Sjtil diplomatie
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Sjtil diplomatie is 'n bedèkde meneer van invloed oetoefene op 'ne machtige persoon, mèt de bedoeling öm bepaalde wantoesjtande oet de waelt te helpe zoonder dat dae persoon gezichsverlees liejt.
Sjtil diplomatie is 'n alternatief väör aoëpelek protest. Sjtil diplomatie is d'r op gerich dat 'n autoritèèt concessies kan doeë zoonder gezichsverlees, ömdat neet bekaand wert gemakd dat is toegegaeve an drök van boetenaaf.
't Begrip sjtil diplomatie is aafkomstèg oet de waeld van de diplomatie en d'r internationale polletiek, mae wert ooch daoboete gebroekd.
Internationale polletiek
[bewirk | brón bewèrke]'t Doel van sjtil diplomatie is mètstens 't verdedige van de rechte en vriehede va luuj die werre vervolgd öm hun geleuf of övertuging, of ömdat ze behure tot 'ne minderhèèdsgroep.
't Alternatief väör sjtil diplomatie zeunt aoëpelèke methodes öm drök oet te oefene, zoe-es wie dör resoluties, economische sancties, boycots en militair ingriepe.
Diplomatieke handelinge zeunt dèk geheim, en lang neet alle geheim diplomatieke handelinge zeunt sjtil diplomatie. Sjtil diplomatie mot beväörbeeld oondersjèjje waeëre van väöroonderhandelinge; väöroonderhandelinge betreffe dèk ooch sjtrikt geheim diplomatie, mae haant es doel öm vijandige partieje zowiet te kriege dat ze mètèè geunt oonderhandele.