Euverlèk:Sjeter

Haat ieëmes probleme es ich dit artikel nao Sjeter plat versjuuf? Dat is gebroekeliker en ving ich persuuënlik aoch sjoeëner. Da kint Breuker aoch waal Breuker plat waeëre. --Tibor 3 jun 2008 18:37 (CEST)

Bekiek effe de discussie op 't euverlèk bie D'r Sjeet, ooch wieër nao d'r blowwe leenk oonderaan. Gevólg van die discussie waor de oetzoondering väör d'r naam van dit lemma, Sjeter dialek. Sjeter Plat is baeëter, mae an Breuker of Moontsener is niks verkieërd. Zjuus wie an Norbiks of Mestreechs neet.--Mergelsberg 3 jun 2008 20:04 (CEST)

Hoi, merci vuur d'r link. Natuurlik waet ich dat die oetzóngeringe besjtónt, Sjeets of Gebrooks waert doer nieëmes gezag. Meh de artikelname mótte waal consistent zin, dus v'r mótte keze tösje Sjeter/Breuker, Sjeter plat/Breuker plat en Sjeter dialek/Breuker dialek, en neet bie 't ein get angesj doeën es bie 't anger. En ómdat volges mich nieëmes zaet "sjpraeëker van 't Sjeter", tunkt 't mich baeëter óm bie dees oetzóngeringe ummer 't woeërd "plat" d'rbie te zètte. --Tibor 3 jun 2008 20:49 (CEST)

Bie categorie:Limburgse dialekte zeunt mieë dialekte die op -er eindige en dat zeunt d'r allemaol langs of achter de Benrather linie, behalve da Kirchräodsj mae dat kan 'n hypercorrectie zieë. De name van de dialekte van de dörper op 't Belsj (boete Voere), es wie ooch Äöchener eindige ooch op -er. Mètstens zaet me bie de -er name nog ömmer Plat d'r achter mae dat waor bie de -s name vreuger ooch e-zoe. Effe laote zeenke. Zal mörge d'r óp truuk kaome.--Mergelsberg 3 jun 2008 21:28 (CEST)

Ich kaom töt 't volgende: de name va dialekte die eindige óp -er va groeëte(r) plaatsje, wie Völzer, Äochener, Eupener kleenke neet vraem zoonder de toevoeging Plat. Es me Plat toevoegd an de -er dialektname zów me dat, es me èènvörmig wilt zieë, ooch bie de name op -s of -sj d'r bie mótte zitte. Dat Sjeter en Breuker nog neet zoe good in d'r moond liegke haat mieë te doeë mèt nog neet gewend es mèt neet zjuus. Ich bèn dan ooch d'r väör öm Sjeter dialek te verplaatsje nao Sjeter en de res te behaowe wie 't is. In 't algemèng kan me baove de lies dialekte waal sjrieve dat 't hie geet öm dialekte die dör de sjpraeëkers èges 't Plat of Platduutsj geneumd waeëre. Ich zal in de kaffee effe d'r aandacht vraoge zoedat de aander gebroekers zich dao-övver ooch kinne oetkalle.--Mergelsberg 4 jun 2008 12:36 (CEST)

Ich bin nog ummer neet zieëker of dat taalkundig waal juus is. Sjeter en Breuker zint attributief en bv. Gelaens en Mestreechs zint predicatief en dao kint neet "plat" of "dialek" achter waeëre gezat (Mestreechs plat = fout, Mestreechter plat = juus). Gemeinlik gebroekt me 't bievooglik naamwoeërd zoeëwaal attributief (bv. "de Gelaender kirmes) es predicatief (bv. "dae kalt Gelaens"), meh Sjeter en Breuker zint wuuërd die volges mich inkel attributief gebroek kinne waeëre (dus waal "d'r Sjeter mert" en "dae is 'ne Breuker", meh neet "dae kalt Sjeter" of "dae is Breuker"). Wat vinge de taalkundige? --Tibor 4 jun 2008 17:20 (CEST)

In D'r maan is groeët is groeët 'n predikatieve bepaling; in d'r groeëte maan is groeëte 'n attributieve bep. (taalkundige ontleding) Zoewaal Breuker es Mestreechs zeunt verzelfsjtendigde bievoegeleke nm. (redekundige ontleding) die óp 'n ander meneer gevörmd waeëre; óp -er of op -s. En de grens tösje 't -er en -s gebied versjuufd nao 't ooste ömdat die vörm vraem is an 't Nederlands. (terzijde:neet vraem an 't Hoeëgduutsj). Ich wach ooch óp de mieninge van de aander.--Mergelsberg 4 jun 2008 18:37 (CEST)

(sorry tot 't nog eve gedoord heet tot eine get zag) Jao, iech vin 't e good idee um 't artikel nao "Sjeter" zoonder get trachter te verplaotse. Wat Mergelsberg zeet, in lijn mèt ander dialek-artikele die neet op -s oetgoon. שׁטאיןבח Op nao de 5.000! 14 jun 2008 13:31 (CEST)

Good, dan dónt v'r dat, is mich allelae. --Tibor 14 jun 2008 21:58 (CEST)