Euverlèk:Jaiajaad

Jajajaad (Gaiagaard) zaet me op z'n Kirchröadsj en dat klink hendig leuk, toch? Meh 't ies gein Mestreechs ;)--Aelske 6 okt 2009 19:48 (CEST)[reageren]

Dat is wel leuk jao, mer iech dink neet tot 't verstendeg is um in eder artikel alle limburgse benaominge te goon numme. Dao zien de redirects veur bedoeld. - Pahles 6 okt 2009 19:53 (CEST)[reageren]

Hernömming geit mesjiens e bietje wied. Miens inzeens is "GaiaPark" 'ne mèrknaam en weer gaon "Friesche Vlag" toch ouch neet ómzètte nao "Friesje Vaan" of "Wilhelmina Pepermunt" nao "Wöllemien Paepermöntj" ómdet me det zoea óp 't Plat zaet? --OosWesThoesBes 29 nov 2011 21:15 (CET)[reageren]

Iech snap 't ouch neet zoe. Umtot me dat in Kerkraoj zoe zeet, wèlt neet zègke tot 't daan verplaots moot weure. Gaiapark is neet "typisch" Kerkraojs... Wèts te wat, iech haol Utrei mer weer 'ns debij: in Utrech zeet me Utrech of Uterech. Dus, verplaotse dee hap! Daobij is de naom lèts veranderd in GaiaZOO. - Pahles | zègk 't mer 29 nov 2011 21:29 (CET)[reageren]

Hallo, 't Utreis is gei Limbörgs dialek! Pahles, doeg neet wie 'nen trol en gaank miech gein irrelevante dinger debij hole! 't Kèrkraojs is e Limbörgs dialek, 't Gaiapark steit in Kèrkraoj, dit artikel moot idealiter in 't Kèrkraojs, dus d'n artikelnaom ouch! Ter vergelieking: moot iech 'n artikel euver Venroj, wat iech in 't Mestreechs höb aongemaak, daan mer 'Venray' neume, umtot 't nog neet is umgezat? Nein toch? De plaotseleke naom is de maot bij Limbörgse oonderwerpe. ⵙⵜⴰⵢⵏⴱⴰⵅ 29 nov 2011 22:14 (CET)[reageren]

Lees diech eigelek wel wat aander lui sjrieve? Zoewie owtb al aonhaolt: GaiaZOO ('t hèt al einegen tied neet mie GaiaPark!) is 'ne merknaom! 't Is daobij neet "typisch" Kèrkraojs. Sinds wienie bepaols diech, en diech allein sjijns, wie hei zake geregeld weure? Boe steit dee regel tot de plaotseleke naom de maot is (neet tot dat in dit geval get demèt te make heet)? Neum miech 'nen trol, daan neum iech diech 'ne dictator! De bis hiel good in d'ne zin doordrieve, dat is wel dudelek! Es 't zoe doorgeit kinne veer deze wiki beter de Steinbach-wiki neume. Iech höb hei geine zin in. Zoe'ne kleine wiki, mèt zoe wieneg gebrukers en 't bloojt doed umtot eine gebruker dink tot heer de keuning is. Iech num veurluipeg eve vrij hei, kins te 't hielemaol nao diene zin inriechte! Gezeen 't aontal edits dies te maaks (höbs te mer ein hobby? Hiel gevaarlek huur!) zal dat dinkelek neet lang dore! Väöl plezeer allein. Adie! - Pahles | zègk 't mer 29 nov 2011 22:57 (CET)[reageren]

Ich vinj dit waal e bietje kinjerechtig... van öch allebei... En weer zint hie allemaol eigelik bès waal good in 't door blieve zeike euver bepaoldje dinger; det is gein raeje óm allemaol eweg te gaon. --OosWesThoesBes 30 nov 2011 05:46 (CET)[reageren]

Steinbach en Pahles wèrke hael en good öm dizze wiki óp orde te haowe en dao han 'ch alle bewoondering en respect vör. Ich gaef toe dat 'ch 't d'r lètste tied enorm han laote aafwete, mae wil wer get actiever waeëre. Ich zal vör zoelang 't doort al daag ff langskaome mae 'ch haoëp ech dat 't vör ze allebèj öm 'ne kórte time out geet.--62.131.130.248 30 nov 2011 11:42 (CET)--Mergelsberg 30 nov 2011 11:43 (CET)[reageren]

Iech wil neet op dees 'discussie' ingoon, want 't ies te gek veur weurd dat 'r gevreigeld weurt euver de naam van 'n artikel. Dat haet ouch nieks miè mèt euverlègke te make, die functie besjteit trouwens neet veur nieks! Nemes ies hie de baas. Wat iech waal wil zègke ies, dat v'r 'n gezamelike verantwoording höbbe op deze wiki! Ondanks dat wiènig gesjreve weurt, veer weite woarum, höbbe v'r noe waal toch mer 'ne link sjtoon op de officieel pagina van de sjtreektaalfunctionaris! [[1]]. De waardering ies d'r dus. Laote veer oes es volwasse persone gedrage, kieke nao de doelsjtelling van de wiki en oes inzètte um tenminste deze digitale encyclopedie good te beware. Dat alles, wie gezag, in gezamelike verantwoordelikheid! Pahles iech houp van harte dats te oes neet in de sjteek liès! --Aelske 30 nov 2011 16:36 (CET)[reageren]