Euverlèk:In 't nuujs

Pagina-inhoud wordt niet ondersteund in andere talen.
Van Wikipedia

Sjpelling wiet-wied[brón bewèrke]

Nao analogie mèt 't Nederlands moet wied (Ned. wijd) mèt 'n d achteraan, zoa-es ouch hand en hónd mèt 'n d gesjreve were. Wiet (sjtoattoan) ies in 't plat (o.a Valkebergs) wit.--Aelske 27 jun 2009 10:09 (CEST)[reageer]

Höb v'r 't dao neet al 'ns över gehad? In 't middelnederlands sjraef me wijt mèt 'n t. In 't Duutsj is 'r nog ömmer weit terwiel in die taal Hund en Hand mèt 'n d gesjraeve wert. Ich bèn d'r neet vör öm wied te sjrieve nao analogie van 't Nederlands va allewiel ömdat wiet e aod waoërd is en in die sjriefwies dudelek makt oeë 't Limburgs heemhuurt in 't continuüm van tale. Nog e vb väörbeeld toeëntaal.--Mergelsberg 27 jun 2009 12:33 (CEST)[reageer]
Wied in de zin van wijd mót dudelik mit 'n d. In 't Middelnederlands sjreef me ouch hant, lant, hont etc. Daobie kömp ónnag det ónger de jeugdige spraekers van 't Limburgs (en ouch van 't Nederlands) de assimilatie op 't ènj ven wäörd (hóndj wuuertj es hóntj oetgespraoke, blaad es blaat) is 'nt verdwiene (ónger invlood van 't Ingelsj) en d'r waal zeker van wied gekaldj wuuertj. Wiejer is de vervoging van wied zeer dudelik: wied - wiejer, vergeliek: kaad - kaajer, roead - roeajer, laat - later, zaat - zater. Mit 'n d dus. --OosWesThoesBes 27 jun 2009 13:48 (CEST)[reageer]
Bie mien wete wert de d en de t an 't èng van e waoërt allebèj es 'n t oetgesjpraoëke. D'r Nederlandse gramaticaregel dat me e waoërd mèt 'n d an 't èng sjrieft es me in 't mieëvoud 'n dudeleke d huurt (hand-handen) kan me vör 't Limburgs neet gebroeke dör de versjillende ander menere öm mv te vörme. Ich han 't hie trowwes över wiet in de betekenis van 't Nederlandse ver. Wiet (ver) - wieër (verder). 't Kan tóch neet zoe zieë dat de d in verder e bewies is dat wiet in 't Limburgs mèt 'n d mót? Wied in de betekenis van 't Nederlandse wijd is e gaans nuuj concept in 't Plat, dat 'n helicopterview veroondersjtèlt, en mesjie haote de jóng luuj bie euch in de buurt zich ooch an wied o.i.v. 't Ingelsje wide in bv www. Mèt Waelt Wied Web es vertaling han 'ch natuurlek gaar gèng probleme.--Mergelsberg 27 jun 2009 14:35 (CEST)[reageer]
Ich dink det g'r 't neet gans begriep. Ich wól zègke det 'n normaal vervoging van e Limburgs bievogelik naamwaord op 'n -d ömmer 'n -j-gliejing haet. (wied -> wiejer). Es 't waord op 'n -t zów zeen, zów d'r gein gliejing plaatsvinje (zaat -> zater, neet *zajer). Wiejer is 't vanoet pure etymologie belachelik óm wied mit 'n -t te sjrieve. De Aadgermaanse *-d blief namelik in 't Limburgs behaje, in 't Pruus daorentaenge wuuertj 't 'n *-t. Vergeliek: aad - alt, daag - Tag, enz. Zuuch ouch: [1]: Aadgermaans: *wīdas wuuertj vólges regelmaotige klankverangering *wied. --OosWesThoesBes 27 jun 2009 16:43 (CEST)[reageer]

De grammaticaal oonderboewing via de traeje van vergelieking rammelt mich te zieër: in 't Norbiks zaet me aod - owwer, gèng j-gleijing dus en mót vör da ooch zacht goeë sjrieve ömdat zachter de vergroeëtende traej is? In d'r leenk dae d'r hiebaove geft sjteet germanic en daomèt wert verwaeze nao 't Proto-Indogermaans, 'n hypothetische taal die noeëts gesjraeve is. Waal gesjraeve zeunt de zgn Middelnederlandse tekste en waal óp de örsjte plaatsj in dizze sjtrieëk, dae doe e belangriek cultureel en economisch centrum waor en in die tekste sjteet wiet (ver). Ich zèk waal wiedeweg (wiet e-weg) mae ooch ladeweg (laat e-weg). Ich zeen dat AGL ooch wied sjrieft en dao goon 'ch mich neet meuj an make. Wied is ooch prima.--Mergelsberg 28 jun 2009 01:48 (CEST)[reageer]

Ladeweg haet te make mit 'n typisch Limburgs versjiensel :) Limburgers kalle gaer van dih-den-det i.p.v. dit-'en-dat wie Hóllenjers 't oetkalle, inne vólksmóndj nömme ze det plekke (mesjiens 'n invlood van 't Frans?) Middelnederlandjs had eigelik gein waor spelling, me sjreef waat me huuerdje: hóndj zów me destieds es hóntj höbbe gesjreve. Ich dink det owwer waal 's gelieëndj kós zeen van 't Nederlandjs in 'n bepaoldj opzich, mer ich weit neet zoeaväöl van 't Norbiks aaf jaomer zat. --OosWesThoesBes 28 jun 2009 10:38 (CEST)[reageer]
't Geit um 't woordbeeld (woabie v'r oes volges Veldeke riechte nao de Nederlandse sjpelling). Vreuger woort mer dèks "veur de voots" gesjpeld, de zoogs diverse sjpellinge nevenein. Kiek mer ins nao de plaatsname op ouw kaarte. Vgl. daoneve noat (muzieknoot) en noad (nood); load (lood) (mv: loaje); lid (mv. leje), wied (wiejer), bèd, bad en idd. hand (mv. heng); hónd (mv. hun), land (mv leng); zand, versjtand, klant enz.--Aelske 28 jun 2009 16:25 (CEST)[reageer]
Ich vin 't allemaol prima en waal jaomer. Gaer wil 'ch nog ópmaerke dat 'ch bie 't waoërdbeeld wied óp de örsjte plaatsj an 't Nederlandse wijd of Ingelsje wide deenk en neet direc an ver of far en dat is wb 't Nederlandse wijd (kiek [2]) ooch zjuus. 't Waoërd(beeld) wiet associeer 'ch direc, 'ch gaef toe via 't Duutsje weit an ver of far. Mae 't is allèng 'n kwestie van effe get nuuj leenkskes liegke en 'ch bèn hieël flexibel. Daobie haat eder sjpelling helaas ooch altied töt gevolg dat de fijner nuances verlaore geunt.--Mergelsberg 28 jun 2009 21:47 (CEST)[reageer]

Nuits vaan 29 oktober[brón bewèrke]

Iech vin die vermelding euver territoriseren neet ech nuitsweerdeg, en ze maag wat miech betröf daan ouch snel verwijderd weure. - Pahles 29 okt 2009 10:51 (CET)[reageer]

Ich bön 't t'rmit èns. 't Is neet ech nuujswaerdig. --OosWesThoesBes 29 okt 2009 11:13 (CET)[reageer]

Mot me neet noe 'n archief make vaan 2009, en wijer gaon mèt 2010? IEch weit evels neet wie dat geit...--Ortjens 2 jan 2010 15:52 (CET)[reageer]

Jao, dat moot. Mer zoe'n vaart luip 't noe ouch weer neet! Iech zal mörge 'ns loere, es miech geine veur is. - Pahles 2 jan 2010 23:29 (CET)[reageer]

Loveparade[brón bewèrke]

Pahles, 'ch miengde ooch örsj dat 'ch 't aantal doeje in e veurig berich zoemer koes aanpasse mae dat is neet zjuus want dat woar óp dae daag nog neet bekaand. Daobie is noe de oorzaak dudelek en dat waor doe ooch nog neet 't geval. Datum is aangepast:).

Iech zeen 't probleem neet um dat aon te passe. Daoneve waor de oorzaak al lang bekind, dat waor neet pas sinds gistere (zuuch ouch hei. Wat miech betröf kin d'n ingaank bij 29 juli weg. - Pahles | zègk 't mer 30 jul 2010 11:13 (CEST)[reageer]

Sjterfdaag Ulburghs 1 september[brón bewèrke]

Brón http://www.inmemoriam.be/nl/2010-09-01/jef-ulburghs/--Mergelsberg 7 sep 2010 13:48 (CEST) Oei, es me d'r naam intikt kriet me twie registers en de familie zaet dat e op 31 sjtórf.--Mergelsberg 7 sep 2010 13:51 (CEST)[reageer]

't Nuitsberiech in 't Belang zag op 1 september tot heer 'vaannach' gestorve waor. Meh good, zoeväöl maak 't neet oet, me kint gewoen zègke "of". Steinbach 7 sep 2010 17:17 (CEST)[reageer]

Keuninklek howwelek[brón bewèrke]

Boerum linke nao "Wöllem van 't Vereinig Keuninkriek" en "Katrien van 't Vereinig Keuninkriek"? Esof oets eine dat geit zègke. Bij Katrien moot iech dinke aon 'n bekind stripfiguur, en daobij höbbe ze echte titele gekrege: hertog en hertogin vaan Cambridge! - Pahles | zègk 't mer 2 mei 2011 12:20 (CEST)[reageer]

En boeveur zouwste bij levende prinse wel William en Kate mote zègke en awwer keuninge Eduard, Karel en Jan mote neume ipv Edward, Charles en John? Iech gaon veur einvörmegheid
Iech höb dao toch probleme met. De naome dies te neums zien de Nederlandse naome, wie veer ze jaorelaank in de Nederlandstaolege gesjiedenislès höbbe gelierd gekrege. Bij de levende persoene is 't aanders: iech dink neet tot ouch mer eine Limburger "Sjarel" zal zègke es heer/zie 't heet euver de pap vaan William. Boerum moot dat bij ziene zoon daan wel? Boerum maaks te diech wel zoe drök euver wie Usâmah bin Lâdin ech gesjreve moot weure, dewijl jederein toch Osama bin Laden sjrijf, mer hei moot 't perse aanders? Wiezoe einvörmegheid? Zuuch ouch 'ns de discussie euver de plaotsnaome vaan 'ne tied trök. - Pahles | zègk 't mer 3 mei 2011 10:21 (CEST)[reageer]
Laote v'r zjuus wie bie de sjpelling van ander liènweurd zoa väöl meugelik goon veur de herkènbaarheid (zoa es v'r die leze in de gezèt) en ouch de (eige)name wie ze gesjreve were in 't Nederlands: dus idd. Charles, Jean, Pierre, Raymond, Osama bin Laden, Angela, Bush en Kadaffi.--Aelske 3 mei 2011 10:54 (CEST)[reageer]

Ruimdevaartjubilea[brón bewèrke]

En noe iech toch bezeg bin: iech vin 't neet nujeg um dinger wie de vieftegste verjaordaag vaan Gagarin zien ierste vlöch in 't nuits op te numme. Dat kin wel op de jaorartikele oonder 'jubilea'. Steinbach 2 mei 2011 23:18 (CEST)[reageer]

't Waor aanders wel nogal in 't nuits. Mesjiens neet in de blajer of websites dies diech leus... Iech bin deveur um 't te laote stoon. De pagina heit In 't nuujs, en dat waor 't! - Pahles | zègk 't mer 3 mei 2011 10:25 (CEST)[reageer]
Iech lees de NRC, Nu.nl, De Standaard Online en volg nog get boetelandse websites, en loer nao 't Vlaoms en 't Nederlands journaol, este 't wèls weite. Meh de Doejeherdinking is ouch edersjaor In 't nuits, zoewie Goje Vriedag, en zoewie later dit jaor de herdinking vaan 10 jaor '11 september'. In 't Ingels hèt dees paasj Current events, wat neerkump op 'dinger die gebeure'. Dus neet dinger die zien gebeurd. 't Arsjief veur 12 aprèl op en: neump de jubilea neet (en:April 2011#2011 April 12). 't In the news-sjabloon op en: (este zouws meine tot current events neet 'tzelfde is en in 't nuujs: dit toch wel!) neumde ze op 12 aprèl ouch neet (zuug hei). Daan geef miech ins ein rei veur dat hei wel te doen! Steinbach 3 mei 2011 11:23 (CEST)[reageer]
Ein rei: veer zien d'n Ingelse wiki neet! - Pahles | zègk 't mer 3 mei 2011 13:06 (CEST)[reageer]
En dus moot 't hei otomatisch aanders? Steinbach 3 mei 2011 13:28 (CEST)[reageer]
En dus moot 't hei neet otomatisch 'tzelfde! Iech zal nog get referenties debij zètte. - Pahles | zègk 't mer 3 mei 2011 15:02 (CEST)[reageer]

Wikinuujs[brón bewèrke]

Mesjiens is 't 'n idee óm berichskes bie In 't nuujs op Wikipedia te gaon linke mit get lenger ertikelkes op Wikinuujs? --OosWesThoesBes (euverlègk) 8 jun 2012 11:31 (CEST)[reageer]

Extreemrechsen Trump[brón bewèrke]

Iech wil hei zeker neet Trump gaon verdedege, mer boe bassere veer op tot Trump 'nen extreemrechse politicus is? Iech dink tot dit get gekläörd euver kin komme.--Zeiverklaos (euverlègk) 20 nov 2016 14:11 (CET)[reageer]

Iech bin 't dao wel mèt ins. Rechs zeker, extreemrechs zeker neet. Laot diech neet teväöl beïnvlode door de media. - Pahles | zègk 't mer 22 nov 2016 22:42 (CET)[reageer]
Zeker neet? Zeker wel. G'r höb 't euver de media, meh iech citeer uuch dit wetensjappelek artikel, boe-in de euvereinkomste tösse Trump en 't klassiek fascisme oet de deuk weure gedoon. Trouwens, aofgoon op d'n inhaajd is genóg. De volgende dinger die Trump heet gezag zien toch oonversnoje extreem-rechs:
  • Moslims zien ummer gevierlek en tege hun mote maotregele koume (ein religie in 't bezunder is inferieur);
  • Vrijhandelsverdrage mote weure beïndeg (protectionisme, isolationisme);
  • Mexicaone zien allemaol deve en verkrachters ('n aander volk is inferieur);
  • Gezètte die slech euver häöm sjrieve mote weure vervolg (anti-democratisch);
  • Verkezinge mote weure euvergeslage want heer moot wie daan ouch aon de mach (idem).
Väöl vaan de dinger die heer zeet, koume euverein mèt wat Wilders allemaol röp. 't WODC heet al jaore geleie in 'n studie vasgestèld tot Wilders ouch extreemrechs is. Ouch die studie kin iech daorum citere. Daan höb iech 't nog neet over talloes opiniestökker vaan politicologe en historici die de verben tösse Trump en 't fascisme bloetlègke. 't Is dus academisch vas te stèlle tot 't gedachtegood vaan Trump oonder extreemrechs vèlt. Steinbach Maak de wereld sjoender, besjrijf häöm op Wikipedia! 23 nov 2016 10:02 (CET)[reageer]
Iech wèl dao nog aon touwveuge tot 't artikel euver Trump op en: in de categorie Right-wing populism in the United States vèlt, en die is weer oonderdeil vaan de categorie Far-right politics in the United States. Ouch dao zuut me häöm dus es extreemrechs. Steinbach Maak de wereld sjoender, besjrijf häöm op Wikipedia! 23 nov 2016 10:05 (CET)[reageer]
"Zeker neet" waor mesjiens get te gaw gezag, mer feit is tot heer veural door de (linkse) media es extreemrechs weurt neergezat. Tot 't 'n wetensjappelek artikel gief kin zien, dao zien evels ouch aander geluide: lees beveurbeeld en:Political positions of Donald Trump mer 'ns, boein aongegeve weurt tot zien oetsprake vaan rechs nao links goon, en ouch nog dèks verandere. Trump weurt besjreve es populis, en dat kin zoewel links es rechs zien. Zuuch dit artikel boein 'n aontal vaan Trumps ideeë es typisch veur de "Democrats" weure geduid. Beveurbeeld zien anti-globalisering standpunt (protectionisme, isolationisme) is dus neet typisch extreemrechs. 'n Vergelieking met Wilders kin wat miech betröf neet gemaak weure. Extreemrechs in Europa is beduidend aanders es extreemrechs in de VS (en zelfs in Europa heers verdeildheid euver wat extreemrechs is).
Dus rechs jao (veurnaomelek), mer extreemrechs is wat miech betröf neet dudelek. - Pahles | zègk 't mer 23 nov 2016 10:49 (CET)[reageer]
Alloh daan, dao höbste wel e punt. Es 't rei tot twievel gief, moot dat neet zoe oondobbelzinneg in 't nuits koume te stoon. Steinbach Maak de wereld sjoender, besjrijf häöm op Wikipedia! 23 nov 2016 11:13 (CET)[reageer]

Dialekgebroek nuitsuëverzich[brón bewèrke]

"Ouw" is good Kirkröadsj. Es me googelt, kint me tekste op dit plat vinge, oeërin 't wöadje vuurkunt. Doaneëve lieke 't Heëlesj en 't Kirkröadsj i bepoalde ópzichte vöal ópee.

Get angesj: berichte in 't nuitsuëverzich weëde toch gesjrieëve óp 't AGL? Of vörmt lokaal nuits 'n oetzungering? --SCV (euverlègk) 30 mrt 2018 22:54 (CEST)[reageer]

Euver 't dialekgebruuk is niks aofgesproke, dat maag edereine in zien eige plat doen. Zelf daon iech ummer AGL (of get wat deveur moot doorgoon) bij algemein nuits en perbeer iech dèks plaotselek plat bij plaotselek nuits, meh dat is gans mien eige keus. Zoewiezoe wèl iech lies-echtege artikele vrijlaote qua dialek; edereine moot zoonder gêne draon kinne touwveuge. Steinbach (euverlègk) 30 mrt 2018 22:57 (CEST)[reageer]
Esthetisch mesjiens neet 't sjónste, meh waal 't henjigste: laot edereinen in zien eige plat get toeveugen aan liesten en dergelike. Anges maaks se de moer allein mer hoger es det zie al is :) --OosWesThoesBes (euverlègk) 31 mrt 2018 10:19 (CEST)[reageer]

Sportnuits – wel en neet[brón bewèrke]

Sportnuits en sportartikele zien hei op Wikipedia gooddeils mie privédinkske. Toch zal iech hei eve mien eige beleid touwleechte, zoetot 't transparant is en ouch ope veur discussie - wienie hei nog ins iemes aanders euver wèlt sjrieve en/of iemes ziech dit geit aofvraoge.

Twie sporte stoon centraol: voetbal en fietsrenne. Daovaan weurt geregeld gerapporteerd. Veur voetbal: Nederlandse en Belzje kampioensjappen en bekers, WK's, continentaol bekers en de groete clubtoernoje. Vaan 't vrouwevoetbal zien in eder geval EK's en WK's verpliech; aander tegehengers vaan de groete mannetoernoje (bev. Ieredevisie vrouwlui) zien facultatief. Te verwachte vèlt tot die binne de paar jaor sportief en publicitair belaankrieker weure. Veur fietsrenne: de drei groete rundes en de diverse klassiekers. Natuurlek steit d'n Amstel Gold Race bovenaon, meh ouch de aandere mote weure gemeld.

Daan veur aander groete sporte: allein de huugtepunte. Dink aon WK's hockey en cricket, de Super Bowl, Grand Slams in 't tennis en nog zoe ein en aander. Dat maag in Limbörg allemaol get minder leve, 't nuits moot internationaol geriech zien en cricket, daankzij India en Pakistan de populairste sport op de wereld, huurt dao zien plaots te höbbe. Ouch: gouwe medaljes veur Nederlanders en Belzje op de Olympische Speule, in n'importe wat veur sport. En opvallende prestaties vaan Limbörgers. Mesjiens zouw hei mie aondach mote koume veur volleybal, wat oonder bepaolde deile vaan de Limbörgse bevolking wel leef, meh daoveur bin iech zelf neet good toes in dee wereld.

Tot slot: bezunder gebeurtenisse in n'importe welke sport. Dat kin voetbal zien (de eine club versleit de aander mèt 10-0) meh ouch snooker (wereldkampioen weurt door amateur droetgegoejd). Bij sporte wie snooker, die normaal noets 't nuits hole, beteikene zoe'n beriechte miestal 'n groete sensatie. Dat maak 't zoonder mie get veur de iewegheid, en dus ouch veur 't nuits.

Steinbach (euverlègk) 12 jul 2019 11:05 (CEST)[reageer]

Klink good! Ich höb zelf neet zoväöl - zègk meh gerös nieks - mit sport op, dus ich zal neet snel get toeveuge, mer 't is ummer good get van richliene te höbbe :) In Limbörg guuef 't wiejer traditioneel nag sporte wie handjbal en korfbal, meh dao huuers se nimmieë zoväöl euver. En netuurlik veure get ajere jeug: 't dartsen en 't biljaren inne kefee :) En doevesport, meh ja, is det sport te neume? --OosWesThoesBes (euverlègk) 12 jul 2019 14:04 (CEST)[reageer]
Veur ich 't vergaet: mit Max netuurlik 't autorenne. Wie lits det t'r in Oeasteriek de ieëste plaats haw, det verdeentj on plaats bie 't nuuts of neet? --OosWesThoesBes (euverlègk) 12 jul 2019 14:06 (CEST)[reageer]
Verstappen in Oosteriek? Jao, dao höb iech wel euver gedach. Wie heer veur 't iers won, waor dat natuurlek groet nuits. Euver de ganse wereld zelfs, gezeen ziene leeftied. Meh zoe laankzaamaon wint heer regelmaoteg GP's, dus noe begós iech wel te twievele. Steinbach (euverlègk) 12 jul 2019 15:01 (CEST)[reageer]
Och ja, hie waas 't 'n sensatie, went 't waas al lang trögk det t'r get haw gewónne :) --OosWesThoesBes (euverlègk) 12 jul 2019 17:27 (CEST)[reageer]
Ich bin óneet sjportief aangelag, mar 't idee huët zich good aan. V'r moage evvel neet d'r sjutteriesjport vergeëte! :) --Stephan (euverlègk) 13 jul 2019 14:16 (CEST)[reageer]
't Steit diech vrij um dao get euver touw te veuge. Steinbach (euverlègk) 13 jul 2019 21:50 (CEST)[reageer]

Wikinuujs (2)[brón bewèrke]

V'r höbbe d'n dertigste de 1.000 gehaoldj op Wikinuujs. Is det ouch vermeljeswaerdig? --OosWesThoesBes (euverlègk) 1 nov 2019 10:53 (CET)[reageer]

Ich haop neet det zie die plestiekke drake die zie "flaaj" dórste te neume wie in Eindhove gaon verkoupe... --OosWesThoesBes (euverlègk) 14 dec 2022 19:26 (CET)[reageer]