Euverlèk:Bep Mergelsberg

Pagina-inhoud wordt niet ondersteund in andere talen.
Van Wikipedia

Zèllef gesjraeve sjtuk övver zichzellef, dat kent toch néét???[brón bewèrke]

Iech höb probleme mèt de lètste aonvölling ('t stök euver de expert). Gezeen 't feit dat de auteur vaan dit artikel Bep Mergelsberg zelf is, is neutraliteit uiteraard hiel belangriek. 't Gestèlde, dat zie weurt gezeen es expert, is op dit momint door de lezer neet te verifiëre (aanders daan dat iemes inderdaad in Voere mèt de lui geit mojle). Zien d'r gein krante-artikele of radio-oetzendinge of zoe get die dit kinne bevestige? - PAhles 17 sep 2007 14:12 (CEST)[reageer]

Tja, Paul van Gageldonk zag mich de vörrige waeëk an d'r telefoon dat-e 'n artikel wol make oeë-in e mich es zoedanèg an 't waoërd wol laote. Mae dat interview han 'ch:
  • op groond van 't oonderwaerp van de België-bijlage (de dreigende splitsing van België) dat 'ch neet an de orde vin (op 29 maart, 20.40 uur toegevoegd: kiek lemma Bart Dirks);
  • en de reputatiesjaaj die e mien ideeje ieëder al toebrach in z'n beukske Bij de buren, geweigerd.
Ich han 'm gevraogd mich örsj te bewieze dat-e 't vertroewe waeërd is en 't noe waal good väör haat mèt mieng reputatie däör 'n rechtzetting in 'n artikel op te naeme en es-e dat dèèd dat 'ch mich da aafhankelek van 't oonderwaerp nog 'ns zal bedeenke.
Oonderhaand is laank en breed gewete dat 'ch es èènige in de gelaegenhèèd waor (bèn) öm grondèg kènnis te make mèt de twieë taalgroepe in Voere en dat 'ch Nederlands Limburg van binnenoet kèn. Bies noe is dat gegaeve en 'chzelf publiekelijk ömmer belechelek gemakd. Dus referenties van wie 't werkelek inèèn zit zeunt d'r (nog) neet, behalve die van michèèges. --Mergelsberg 17 sep 2007 14:40 (CEST)[reageer]
Dit is precies wat iech bedoel mèt neutraliteit. De geis oet vaan 't feit dat eederein dit weit (of zou mótte weite), en dat is neet zoe, en dat kin ouch neet zoe zien (en daan höb iech 't nog neet ins d'reuver of 't wel woer is, mer dat is 'n aander discussie, boe iech neet aon wèl beginne umtot iech d'r gei verstand vaan höb). Iech bin d'r dus veur um dit deil te sjrappe oet 't artikel, want dit betröf 'n meining en is dus neet neutraal weergegeve. - PAhles 17 sep 2007 14:56 (CEST)[reageer]
't Kan woeër zieë was-te zaes. Ich zal in 't week-end zeuke nao artikele. 't Sjtèèt dich vrie öm te sjrappe wat dich neet neutraal vörkeumt.--Mergelsberg 17 sep 2007 17:08 (CEST)[reageer]
't Ies inderdaad sóms hièl lestig um neutraal euver diechzelf te sjrieve, meh iech ving waal, dat se nao gezamelik euverlèk, dat 't bèste zelf kèns aanpasse in die artikele. Ouch dat van die neet relevante gediechtevertalinge--Aelske 17 sep 2007 20:16 (CEST)[reageer]
Ich han sjtaerk d'r indruk dat d'r de begrippe neutraal en objectief verwart. Ich bin objectief in de Voerkwestie en dat wilt zigke dat 'ch mich bazeer op de feite. Op groond van mien bevindinge bèn 'ch neet neutraal in 't taalconflict zjuus wie d'r Raod van Europa, dae vief jaor nao mich töt de èègeste conclusies keumt. 't Kaderverdrag inzake de besjerming va nationaal minderhede is dör Belsj getekend en de weigering va Vlaandere öm dat neet te ratificere gèft dae deelsjtaot neet ohne weiteres 't rech öm diz conclusies naeve zich neer te liegke. Aander sjtaote kènne e laand haowe an wat 't getekend haat en och dat doon 'ch èèges al saer oonderhaof jaor, es secretair van de PvdA Zitterd-Gelaen.
Zoewie gezag vin 'ch de veer gedichtevertalinge waal relevaant. Ze zeunt 'n verrieking van 't Plat, ooch volges taalexperts en, väör zoewiet 't gèèt um laezers die de èng of de ander sjtandaardtaal neet kinne, ooch 'n weergave van d'r inhoud.
't Sjtèèt eedereen vrie öm verenderinge te make of zakes te sjrappe, mae 'ch zeen èèges dao de noodzaak ech neet van in.--Mergelsberg 18 sep 2007 00:25 (CEST)[reageer]
En zoe oontstoon meiningsversjèlle die neet nudig zien! Iech höb al aongegeve dat iech neet wèl discussiëre euver inhoudelike zake (sumpeleweg umtot iech gein kinnis vaan 't oonderwerp höb). Diech begins noe evels toch euver. Dats diech 'n objectief oordeil euver de zaak kins geve, is hielemaol neet aon de orde. Boe 't um geit is dats diech hei 'n meining verkondigs (nl. dats diech 'ne expert bis in dees zaak). 'n Meining is per diffenisie gein neutraal standpunt, en huurt dus neet in dit (en in gein inkel aander) artikel thoes! - PAhles 18 sep 2007 08:46 (CEST)[reageer]
Eins mèt Pahles, gewoon sjrappe wat neet neutraal ies. Dat Mergelsberg 'ne expert zou zin ies 'n meining (door 't ónderwerp zelf in dit artikel gezat), neet neutraal en neet te verifiëre. Wat hie wiejer allenei aan de orde kump, dao geit 't hie neet um. cicero 18 sep 2007 10:43 (CEST) Iech höb de lètste wieziging noe truukgedrièjd. Op basis van dit euverlik leek miech dat waal gewunsj. Jaomer dat Mergelsberg dat neet zelf haet wille doon. cicero 18 sep 2007 10:57 (CEST)[reageer]
Die verrieking van 't Plat zal volges taalexperts bès woar zin, meh waal boete de context van dees encyclopedie!--Aelske 18 sep 2007 10:09 (CEST)[reageer]
@Cicero: 't Is jaomer dat 'ch dat èèges nèèt mie KAN doeë en dat haat te make mèt mieng bevindinge EN wat 'ch ooch es mieng verantwoordelèkhèèd besjoew.
@Aelske: es doe miengs dat die vertalinge neet in dizze encyclopedie hèèmhure, da mos-te ze d'r oet broeje. Ich wil d'r encyclopedie neet sjade mae han mie sjtaandpeunt ooch in diz vertaalkwestie. Es 't gèèt, da gèèt 't. Gèèt 't neet, da liegk 'ch mich dao bie neer of - en zoewiet is 't v'r mich nog lang neet - da sjèj 'ch d'r mèt oet. Ich han en wil, zoewie al lang lae gezag, hie gèng beleidsverantwoordelijkhèèd of mach. Ich wil wete wat gèèt en wat nèèt. --Mergelsberg 19 sep 2007 01:05 (CEST)[reageer]

Biografie[brón bewèrke]

Iech vraog miech aaf of 'n neutraal encyclopedieartikel de plaats ies veur 'n persoonlik, zelfgesjreve verhaol van de sjriever euver ziene levesloup. cicero 10 mrt 2008 13:17 (CET)[reageer]

Ich begriep 't probleem neet. Aander sjrievers en kunstenaere haant toch ooch, naeve hön waerk, hön autobiografie in 'n lemma gesjraeve. Daobie haat 't ooch sjrievers die polletiek actief zeunt en op dat vlak waerk prestere. Vöwat zow me dat neet maoge neume es zoedanig? --Mergelsberg 10 mrt 2008 14:05 (CET)[reageer]
Iech bin 't wel mèt Cicero ins. Dit is gein autobiografie, mer 'n encyclopedie. 't Gesjrevene in 'n encyclopedie huurt neutraal te zien. Zake es: Nao driej van de vief mondelinge eindexamens haokde ze aaf oet ergernis över de pretentie va examinatore die mienge dat ze in 'n haof oor kènne beoordele wat-me in driej jaor tied gelieërd has. Ooch de klaplopers en moewevrievers tiedens de sjtudie gonge evvel mèt 't diploma nao heem., geve wat miech betröf 'n meining weer (neet dat Bep Mergelsberg aofgehaok is, mer wat gezag weurt euver de pretentie van examinatore). Es d'r op dees encyclopedie mier vaan dit soort artikele zien (gesjreve door 't oonderwerp zelf) daan zalle v'r die allemaol good moote bekieke. - PAhles 10 mrt 2008 14:12 (CET)[reageer]
Dit is 'n encyclopedie die ooch biografieë bevat. Mieng biografie is absoluut neet compleet zoonder te sjrieve wat 'ch in Voere deeg, temeer ömdat allerhande interpretaties daovan in de media gesjtande haant. Mae es 't 'n ech probleem is dan verwijder 'ch 't wal. Wieër deenk 'ch dat mieng artikele wal allemaol good bekaeëke zeunt. Mae es d'r 't neet vertroewd, da bekiek ze mer. Dae ene zin 'ch han 'ch get algemener opgesjraeve.--Mergelsberg 10 mrt 2008 14:30 (CET)[reageer]
Biografie is neet geliek aon autobiografie! Wat die interpretaties betröf: zoe wies diech denao loers is (wie hel of dat mesjiens ouch klink) ouch mer 'n interpretatie! De grens is neet sjerp, en dat maak 't altied lestig um neutraal te kinne sjrieve. Iech spreek wijer neet euver artikele die door diech gesjreve zien, mer euver aander autobiografieë (es 't die gief). Wat dien lèste wijziging betröf, dao kin iech miech in vinde: dudelek en helder! - PAhles 10 mrt 2008 14:41 (CET)[reageer]

TONALITEIT IN DE ZOéPKOèL[brón bewèrke]

Waat is det veur 'n raar stökske? Det steit gans in 't Nederlands! Moog ich dich d'r efkes aan herinnere det dit de Limburgse versie is? Wiejer haet 't ouch weinig euver de Bep Mergelsberg te zègke... --OosWesThoesBes 10 mei 2008 14:23 (CEST)[reageer]

Hoi OWTB, dit haat in zoverre mèt Bep Mergelsberg te make dat dit sjtuk gesjraeve is vördat 'ch in september 2003 an d'r Lieërgank Limburgs begoes.--Mergelsberg 16 jan 2010 17:16 (CET)[reageer]