Edmund Hillary

Van Wikipedia
Gank nao: navigatie, zeuke

Dit artikel is gesjreve in 't Remunjs. 't Weurt gewaardeerd óm in dit artikel 't Remunjs aan te hauwe of aan te gaeve welk anger dialek gebroek is.


Edmund Hillary op Antarctica in 1957.

Edmund Hillary (20 juli 1919, Auckland - 11 jannewarie 2008, Auckland) waas 'ne Nuuj-Zeelandjse bergbeklummer dae op 29 mei 1953 same mit de Nepalese Sherpa Tenzing Norgay d'n eerste waas dae d'n toep van de Mount Everest haet bereik.

Hillary begós mit klumme in zien teenjaore in de Nuuj-Zeelandjse Alpe. Nao 'n kórte karriaer es kastelein noom d'r in 1951 deil aan 'n mislökde expeditie nao de Mount Everest. Twee jaor daonao bereikde d'r es e lid van 'n Britse expeditie d'n toep en dit maakde 'm op sjlaag beroemp. Nao nog in 'tzelfde jaor tót ridder te zeen gesjlage, koom d'r in 1965, 1960, 1961, 1963, 1964 en 1965 truuk nao de Himalaya. Tösse 1955 en 1958 lèdde d'r de British Commonwealth Trans-Antartic Expedition, wobie op 14 jannewarie 1958 de Zuudpool waerde bereik. Hae berèdde 't tweede deil veur van de expeditie van Vivian Fuchs, die es eerste Antarctica euversjtook. In de jaore sevetig lèdde Hillary de eerste expeditie die mit de moterboot de Ganges opvoor.

Nao zien aktieve klumkarriaer vèstigde Hillary zienen aandach op de miljeuaspèkte róndjóm de klumsjport en de probleme van de Nepalese bevölking.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Edmund_Hillary&oldid=373424"