Mount Everest

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Mount Everest.

Mount Everest (Nepalees: सगरमाथा, Sagarmatha; Tibetaans: ཇོ་མོ་གླང་མ, Chomolungma, Qomolangma of Qomolungma; Sjinees: 珠穆朗玛峰, Zhūmùlǎngmǎ Fēng) is de hoeagste berg vanne werreld. De berg is 8848 of 8850 maeter hoeag en ligk oppe grens van Nepal en Tibet.

Inne neugetieëndjen ieëf woort de destiedse Ingelse kolonie Brits-Indië in kaart gebrach. In 1856 woort de huuegdje van 'ne berg vasgestèldj, dae doe nag Peak XV woort geneump. Doordet Nepal en Tibet ware geslaote veur boetelenjers wóste de landjmaeters neet d'n traditionele naam vanne berg, Chomolungma, en zoea kreeg Mount Everest in 1865 zienen Inhelse naam. Deze internasjenaal gangbare naam is óntlieëndj ane Britse geodeet George Everest, de veurmaolige veurzitter van 't instituut det de maetingen oetveurdje. De ironie wiltj det Everest zelf ummer de veurkäör goof aan lokaal-gebroekdje name.

Mount Everest wuuertj ouch waal 't "daak vanne werreld" geneump en trèk väöl ervare alpiniste aan, mer ouch beginnendje klummers die groeate sommen aan geldj wille betale veuren toep te bereike. De berg haet 'nen ingewikkeldjen en zwaore waeg nao d'n toep, mer in vergelieking mit anger berg van euvere achdoezjendj maeter is 't 'n rilletief einveljige beklumming. Toch kèntj de beklumming väöl gevieëre, wie huuegdjekrenkdje en bar waersómstenjigheje.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Mount_Everest&oldid=395770"