European Exchange Rate Mechanism

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Blauw: Eurozone, Duustergreun: ERM II, Liechgreun: opt-out veur Euro-euvernaome mer wel deil vaan ERM II (Denemarke), Roed: EU-lidstaote die verpliech zien um d'n Eurozone in te stappe, Geel: 'ne Monetairen akkoord, Paors: Zoonder formelen akkoord d'n Euro euvergenomme.

't European Exchange Rate Mechanism II ofwel 't ERM II ('t Europees Wèsselkoerzemechanisme) is e stèlsel en e mechanisme geïntroduceerd door de Europese Ikkenomische Gemeinsjap op 1 jannewarie 1999 neve de väöraofspraok vaan de Europese valuta: d'n Euro. Heimèt woorte de ERM I en de Europese Rekeneinheid (European Currency Unit, ECR) es veurgenger vaan d'n Euro ouch vervaange. 't ERM II en d'n Euro woorte deil vaan 't Europees Monetair Stèlsel (ERM) um 't versjèl in wisselkoerze tege te goon en monetair stabiliteit in de latere Europese Unie te kriege.

Nao de adaptatie vaan d'n Euro woort 't policy veraanderd en woorte valuta's vaan de lidstaote vaan de Europese Unie boete d'n Eurozone gekoppeld aon d'n Euro (mèt dus de gedeilde munt (einheid) es centraol pönt). 't Buut waor um de stabiliteit vaan dees valuta's te versterke en um e mechanisme veur ivvelutie op te zètte veur potentieel nui leie vaan d'n Eurozone. Vaanaof juli 2021 gief 't drei valuta's die participere in 't ERM II: d'n Deense kroen, de Kroatische kuna en de Bölgaorse lev.

't Mechanisme steit oonder leiing vaan de Europese Centraol Baank.