Dwergkaakwörm

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Limnognathia maerski.

De dwergkaakwörm (Letien: Micrognathozoa) vörmen 'ne stam aan dere, wovan allewiel slechs ein saort bekèndj is: Limnognathia maerski.

De stam woort veur 't ieës gediffenieerdj in 2000 en is ein vanne recènteliks-besjreve hoger deergruup. De dwergkaakwörm zeen 't nejts-verwantj ane tandjmóndjwörm enne rajerdere, die ouch toette groep Gnathifera behuuere. Ómdet Limnognathia maerski kènmirke haet die uniek zeen inne derewerreld kós de saort aevel neet waeren óngergebrach in al bestäöndje gruup en woort 't 'nen apaarte stam toegeweze.

Dwergkaakwörm zeen hieël klein, platwörmechtige deerkes van zoeaget 'nen halve millimaeter lank. Ze höbben 'n dudelike verdeiling in versjillige liefsdeiler, wie e kopdeil, e middeldeil en e bakdeil. Dit litste is wie 'nen trèkzak in- en oettrèkbaart en wuuertj gebroek veure veurtbewaeging. De ènsigste bekèndje saort, Limnognathia maerski, woort aangetróffe in zeutwater op ei vanne eilenj ane wèskös van Greunlandj.

Dwergkaakwörm höbben 'n kómplekse kaakstructuur die besteit oet vieftieën versjillige óngerdeiler. Dees zeen mit weefselen aanein verbónje; gans besteit 't oet 32 versjillige bewaegendje deile. De kaken höbbe spiere die lieken op die van hoger organisme, wie de zougdere enne insekte.

Bie 't opnumme van voor waere inkel kaakdeiler, die waal erm en henj geliekene, de kop oetgestaoke veur 't voor te bewirke. Ónvertaerbaar voor wuuertj weer dore móndj oetgesjeien en ouch hiebie waere de kaakdeiler oetgestaoke.

Taxonomie[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Dwergkaakwörm&oldid=386816"