Duustere pimpernelblawling

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


d'n Duustere pimpernelblawling.

De duustere pimpernelblawling (Letien: Phengaris nausithous; ieërehaer geplaats inne geslehcte Maculinea en Glaucopsyche) is 'nen daagroewvogel oete femielje Lycaenidae, worónger de klein pages, vuurroewveugel enne blawlinge valle.

De roewvogel haet 'n veurvleugellingdje van zón 17 mm. De baovekantj vanne vleugele van 't menken is duusterblaw mit väöl duusterbroen tippelen en denaaf zwarte plekke. Bie 't vruiken is de baovekantj broen mit e bietske blaw biejen aanzat vanne vleugel. d'n Óngerkantj is leechbroen mit 'n meis vaag riej aan zwarte tippele.

De duustere pimpernelblawling kump veur in Midden-Europa en waas vanaaf 1974 verdwenen oet Nederlandj. In 1990 haet me de roewvogel trögk ingebrach in 't netuurgebied de Moerputten bie De Bós. In 2001 haet de saort zichzelf spontaan gevestig in 't Roerdaal in Limbörg. 't Laefgebied in 'ne graaf bie Postert woort in 2020 verinneweerd doe me per óngelök dao gemejdj haw. De roewvogel haet 'ne veurkeur aan maotig voorriek, naetsig graaslandj es laefgebied.

De waardplantj vannen duustere pimpernelblawling is de groeate pimpernel (Sanguisorba officinalis). De roepse gaon nao e deil waeke van die eweg veur te waere mitgenómme door aomezeike. Meis waere zie al nao e keteer vónje, väöl snelder es bie de gewuuene pimpernelblawling. De lerf euverwintjeren en verpóppe zich in 't aomezeikenès vanne gewuuen staekaomezeik (Myrmica rubra) of sómwiel de moorstaekaomezeik (Myrmica scabrinodis) en aete de eikes enne lerf. Inne èster vanne gewuuen staekaomezeik kónne mitein mieëder roepse prezent zeen. 't Kump veur det de roepse gans 't ès kepótmake door alle lerf en eikes op te vraete, waat inhèltj det de volgendje ginneraasje roewveugel 'n anger plaats mót gaon zeuke.

De vleegtied vannen duustere pimpernelblawling is van juni toet en mit augustus.