Roeps

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De eikeprocessieroeps.

'n Roeps (of rópsj) is de larve van 'n zomervleeg. Roepse zeen euver 't algemein ónopvallendje bieëster. Toch spele sómmige saorten 'n groeate rol in 't daacheliks laeve vanne miens en zeen ze bie 't groeat publiek bekèndj, beveurbeild de ziejroeps enne eikeprocessieroeps. Ouch ecologisch gezeen zeen roepse 'n wichtige groep; neet allein wirke ze enorm wieväölheje plantjaerdig matterjaal eweg, ouch zeen ze 'n proeai veur väöl versjillige deersaorte; van veugel toet sluupwapse. Roepse greuje snel en numme groeate wieväölheje voor toet zich. Ze höbbe 'ne karakteristieke boew dae meh mit weinig larve van anger insektenordes verwardj kan waere. Roepse höbbe väöl verfiendje truukskes óm oet henj van vieënj te blieve, sómtieds zeen ze toet las veure miens.

't Guuef ouch 'n kèrmisattractie die verneump is nao de roeps (roepsbaan).

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Roeps&oldid=363993"