Diogenes Laërtius

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Gravering vaan Diogenes Laërtius oet de 17e iew

Diogenes Laërtius[1], Diogenes Laertios[2] of Diogène Laërce[3] (Grieks: Διογένης Λαέρτιος, Diogénēs Laértios; 3e iew) waor 'ne biograof en historicus vaan Griekse filosofe.

't Gief gein dudelekheid euver zie leve, mer zie book Φιλοσόφων βίων καὶ δογμάτων συναγωγή (Nederlands: Leven en leer van beroemde filosofen, Frans: Vies, doctrines et sentences des philosophes illustres of Vies des philosophes, Ingels: Lives and Opinions of Eminent Philosophers, Latien: Vitae Philosophorum) weurt gezien es ein vaan de belaangriekste bronne veur 't verstaon vaan Aajdgriekse filosofie. Zien reputatie is controversieel bij allewijle historici umtot heer dèks informatie vaan zien bronne herhaold zoonder die kritisch te analysere. Heer focus ouh dèks op triviaole en oonbelaangrieke details wijl heer versjèllende belaangrieke details vaan de filosofische lier negeert. Soms maak heer ouch dudelek foute door ierdere en latere filosofische ideeë dooreint te goeie. Evels weurt 't book vaan Diogenes Laërtius gezien es, integestèlle tot de meiste Aajdgriekse secundaire bronne, 'n belaangrieke historische bron boe-in neet weurt gepoog um 'n nuie interpretatie te presentiere vaan de filosofie mer 't buut centraol steit um de versjèllende Aajdgriekse filosofe in de riechtege historische konteks te plaotse. Aongezien väöl vaan de bronne die heer bespreek zien verlore, is zien wèrk oetverkore tot de belaangriekste nog bestaonde secundaire bron roontelum de historie vaan de Griekse filosofie.

Me geit d'r vaan oet tot Diogenes Laërtius gebore is in de 3e iew um de volgende reijes. Laërtius mot geleef höbbe nao filosoof en fysicus Sextus Empiricus (roontelum 200), boe Diogenes Laërtius nao verwijs in de verleie tied. Heer mot evels veur d'n dinker Sopatros vaan Apamea (4e iew) höbbe geleef, aongezien Sopatros zjus Diogenes Laërtius in de verleie tied citeert in zien eige wèrk. Wel dicteert Diogenes Laërtius zien wèrk aon 'n naomloeze vrouw die heer 'ne "enthousiaste Platonis" nömp. Dit hilt in tot heer woersjijnlek leefde in d'n ierste haaf vaan de daarde iew, de tied tot Alexander Severus (222-235) en zien opvolgers euver 't Roemeins Riek hierste. Severus en zien opvolgers stoonde bekind veur hun radicaal vrouw-vrunteleke hawwing naotot vrowlui 't Roemeins senaot touw mochte treije.

Rifferenties[bewirk | brón bewèrke]

  • Ingelstaolege Wikipedia es veurnaomeleke bron
  1. Nederlandse en Ingelse spelling, gebrukelek in de Limbörge
  2. Duitse spelling, gebrukelek in Noordrien-Wesfale
  3. Franse spelling, gebrukelek in Limbörgstaoleg Luik
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Diogenes_Laërtius&oldid=442097"