Denazificatie
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Denazificatie of oontnazifisering (Duutsj: Denazifikation, Entnazifizierung) is de polletiek vaanaof juli 1945 in Duitsland en Oesteriek in 't speciaol, en Wes-Europa in 't algemein, wat ziech riechde op 't laote verdwiene vaan nationaolsocialistische en fascistische symboliek (Nazisme) in de maotsjappij, cultuur, media, ikkenemie, 't rech en de polletiek.
De basis veur de denazificatie woort gesteund door de geallieerde: de Vereinegde Staote, de Sovjet-Unie, 't Vereineg Keuninkriek en Fraankriek. Tijes de Conferentie vaan Jalta in fibberwarie 1945 woort dees riechlijn oetgeveerdeg door de participante.
't Gemeinsjappelek buut vaan denazificatie moos weure bereik door de moyen vaan e pakkèt reigels wat oetgebreide democratisering en demilitarisering umvatte. 't Belaangrieks buut dao-in waor de oontbinding vaan de NSDAP en de daobij aongeslote nationaolsocialistische en fascistische organisaties.
Denazificatie umvatte ouch de vervolging vaan oorlogsmisdaoje begoon tijes d'n Twiede Wereldoorlog en de internering vaan lui die e veilegheidsrisico leke te vörme veur de bezèttingstróppe.
Brón[bewirk | brón bewèrke]
- Duitstaolege Wikipedia