Dansgarde de Waterladies
Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.
Dansgarde de Waterladies is de dansgarde van carnavalsvereniging de Waterratte Ool. Dees garde besjtuitj vanaaf 't carnavalsseizoen 2006-2007. Dees dansgarde traintj 't hele jaor door, vanaaf de paose weurtj eder jaor gesjtardj mit de ontwikkeling van eine nuje dans. De nuje dans weurtj veur 't eers aan 't publiek geteundj biej de äöpening van 't carnavalsseizoen.
Gesjiedenis
[bewirk | brón bewèrke]Dansgarde de Waterladies is in 2006 gesjtardj mit 6 meide, en is daonao langzaam gegreujdj, in 2007 zeen d'r 11 meide in'ne laeftiedscategorie tösse 7 en 13 jaor actief lid. Veur 't seizoen van 2009 - 2010 is de groep opgesjplits in ein klein garde veur de jeugprins en ein grote garde veur de grote prins. In totaal zeen d'r in det seizoen 16 meide in'ne laeftiedscategorie tösse 7 en 15 jaor actief lid. 't Jaor daonao, seizoen 2010 - 2011 ginge de grote meide ein sjtap verder en höbbe gardedans gecombineerdj mit showdans en höbbe ouch eine nuje naam bedach Showdansgarde n-JOY!, wobiej n-JOY! zoväöl wiltj zegke es geneet van os den genete veer d'r van om veur uch op te traeje.....'t Eerste seizoen van dees nuuj groep höbbe ze gedans op meziek van Michael Jackson. Veur 't seizoen 2011 - 2012 zeen d'r inmiddels 17 meide verdeild euver de twee groepe lid van dees bleujendje Oolse vereniging.