Dansgarde

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.


Ein dansgarde is meistal ein ôngerdeil van ein carnavalsvereniging, en veurtj biej heel väöl activiteite eine zogenaamdje gardedans oet. De huidige vorm van gardedans is trök te veure nao de vrouwegroepe van'ne Revues in'ne jaore 20 en 30 van'ne 20e eeuw. Veural Duitse carnavalsvereniginge höbbe dit idee euvergenomme en sjture tiedes de carnavalszittinge häör garde of danspaar op'pe bühne. Later is det idee ouch weer euvergenomme door de Limburgse carnavalsvereniginge.

Danse en muziek[bewirk | brón bewèrke]

In Duitslandj waerde in grote groepe marsmuziek in 4/4-maot gedanstj. Taegeliekertied ontwikkeldje zich in Nederlandj en Belsj ein anger danssjtiel. geïnspireerdj door Slavische, Sloveense en Beierse volksmuziek waerdje hiej op Polka-muziek in 2/4-maot gedanstj. De ontwikkelinge höbbe neet sjtil gesjtange en van dao oet zeen d'r nog twee sjtruiminge ontsjtange. Kiek ouch gardedans.

Kleijing[bewirk | brón bewèrke]

De typische kleijing is döks aafgeleidj van uniforme oet de 18e eeuw: pruuk, uniformjas en dao onger ein kort ploojerökske mit petticoat, panty, en kantje ongerboks of ballettbody, laarze of (dans)-laarze.

Danssjport[bewirk | brón bewèrke]

Op vandaag waere d'r toernoie geörganiseerdj onger auspicieje van'ne Nederlandse Bondj veur Cultureel Danssjport. De versjillendje sjtiele waere den duudlik van ein gesjeije. Zo zeen d'r in principe de volgendje indeilinge:

BAMBINO-KLASSE Alle disciplines toet en mit 7 jaor

JUNIORE-KLASSE (t/m 11 jaor in'ne A-klasse of in'ne B-Klasse-Beginners)

  • Solo-gardedans 8 t/m. 11 jaor
  • Solo-gardedans 12 t/m. 15 jaor
  • Paar-gardedans 8 t/m 11 jaor
  • Paar-gardedans 12 t/m. 15 jaor
  • Garde-Dansgroepe 8 t/m. 11 jaor (Polka, Mars, Rheinische)
  • Garde-Dansgroepe 12 t/m. 15 jaor (Polka, Mars, Rheinische)
  • Solo-Showdans 8 t/m. 11 jaor
  • Solo-Showdans 12 t/m. 15 jaor
  • Paar-Showdans 8 t/m. 11 jaor
  • Paar-Showdans 12 t/m. 15 jaor
  • Show-Dansgroepe 8 t/m. 11 jaor
  • Show-Dansgroepe 12 t/m. 15 jaor

SENIORE-KLASSE (Vanaaf 16 jaor)

  • Solo-Gardedans
  • Paar-Gardedans
  • Garde-Dansgroepe (Polka, Mars, Rheinische)
  • Solo-Showdans
  • Paar-Showdans
  • Show-Dansgroepe

Taege de meining van väöl miense in is de gardedans biej väöl dansgroepe topsjport gewoore, 't heel jaor weurdj getraind om tiedes 't carnavalsseizoen eine sjpektaculaire dans te kinne laote zeen. Ouch waere d'r door 't jaor nog aan väöl toernoie deilgenomme, dus de dansers en danseresse motte 't heel jaor in topconditie zeen.


Extern links[bewirk | brón bewèrke]

Nederlandse Bondj veur Cultureel Danssjporte

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Dansgarde&oldid=426477"