Coronacrisis op 't Belsj

Van Wikipedia
Naar navigatie springen Naar zoeken springen

Dit artikel is gesjreve (of begós) in 't AGL. Laes hie wie v'r mit de versjillende saorte Limburgs ómgaon.



Ambox currentevent.svg
Dit artikel geit euver 'n doorgaonde gebäörtenis
D'n inhawd van dit artikel kan naovenant gauw verangere en kan mesjiens neet gans mie kloppe mit de lèste óntwikkelinge.


De Coronacrisis op 't Belsj is 't gevolg vanne oetbraak van 't corona- of Wuhanvirus, de sjtad woe 't veur 't iers veurkwaam. Op 3 fibberwarie 2020 woort de ierste besjmetting gemeld bie 'ne Belsje evacué, dae d'n daag daoveur arriveerde mèt e vleegmesjien oet de Sjinese sjtad Wuhan. Aanvankelik besjlote de Belsje autoriteite veur gein aantal besjmettinge per gemeinte te registrere, maar per regio. 't Beleid versjilde daomèt mèt det van de ómringende lenj, woerónger mèt det van Nederlandj. Op 26 miert woort e kaertje gepubliceerd mèt 't aantal geregistreerde besjmettinge per 100.000 inwoeners. Dao-oet bliek det inne Henegouwse gemeinte Quévy en inne Limburgse gemeintes Alleke en Sintruin de hoegste concentraties besjmettinge zien te vinge.

In totaal gief 't 82.092 besjmettinge. In totaal zien 9.996 luuj zien gesjtorve ane gevolge van 'n besjmetting mèt 't coronavirus.

Maotregele[bewirk | brón bewèrke]

Op 't Belsj gief 't de federaal regeringe en de regeringe vanne geweste. Op federaal niveau woorte de volgende besjloete genome:

  • 6 miert: gein sjoelreize mie nao Italië, doe 't epicentrum vanne virusoetbraak in Europa;
  • 12 miert: evenemente weure aafgelas; kefees, restaurants en discotheke blieve toe;
  • 17 miert: allein supermerte en apotheke mage aop blieve, anger winkels mótte toe; heimwèrke weurt sjterk aangeraoje;
  • 20 miert: de Belsje regering sjlut de grenze veur 't grenstoerisme taege te gaon;
  • 15 april: bewoeners van verzörgingsinsjtellinge mage weer bezeuk óntvange, maar allein ónger sjtrikte veurwaerde;
  • 11 mei: winkels mage weer de deure äöpene;
  • 18 mei: aafbouwplan weurt opgesjtart: contakberoepe mage weure oetgeoefend en musea äöpene de deure;
  • 3 juni: ieredeenste weure hervat (max. 100 luuj);
  • 8 juni: reize en toerisme binne de grenze is weer meugelik.
  • 23 juli: op alle drökke plaatse is 't drage van móndjkepkes verplich;
  • 29 juli: in Antwerpe sjtieg 't aantal besjmettinge hel, 'nen aovendklok weurt dao ingesjteld.

Regionaal en lokaal regeringe kènne aanvöllende maotregele neme. Zoe besjloot de Vlaamse regering op 13 miert veure beperke van bezeuk aan krankehoezer en psychiatrische inrichtinge.

Kritiek[bewirk | brón bewèrke]

Aan 't begin van d'n oetbraak goof 't 'n ernstig tekórt aan handjgel en besjermende kleiding wie móndjkepkes. De levering van besjermend matterjaal zouw al jaore chaotisch verloupe. Critici brènge dit in verbandj mèt 't oersjpronkelike advies vanne regering óm gein maskers te drage, ómdet det e "vals geveul van veiligheid" zouw gaeve. De rechs-conservatief partie N-VA haet de lock down euverdraeve geneump. Inne Brösselse veursjtad Anderlech broke op 10 en 11 april rèlle oet.

Ouch goof 't kritiek oppe zoegenaamde GAS-boetes. Det zien boetes die gemeintes kènne oplègke wienie luuj gemeintelike raegels, woerónger corona-raegels, euvertraeje. De wettelikheid van dees boetes weurt betwis.

Situatie in Belsj Limburg[bewirk | brón bewèrke]

Inne pervincie gief 't in totaal 5.447 besjmettinge en inmiddels zien 931 luuj gesjtorve aan de gevolge van 'n besjmetting mèt 't coronavirus. In de aaj miengemeintes, wie Berringe of Heuze-Zolder, zien de aantalle get hoeger es in anger gemeintes. De hoegste geregistreerde concentraties aan besjmettinge zien te vinde inne direkte ómgaeving van Sintrui.

Gallerie[bewirk | brón bewèrke]

Belsj[bewirk | brón bewèrke]

Belsj Limburg[bewirk | brón bewèrke]

Saer 20 miert zien de meiste grenseuvergeng mèt 't Belsj toe. Óngersjtaonde foto's tuine inkel veurbeelde.

Brónne[bewirk | brón bewèrke]

Dit artikel is gooddeils gebaseerd op 't corresponderend Nederlandstalig artikel, 't Nederlandstalig artikel euver de coronamaotregele op 't Belsj en de nuutsartikele op Wikinuujs.
Veur 'n euverzich van artikele euver 't coronavirus op 't Belsj en in Belsj Limburg, zuuch: Wikinuujs Wikinuujs