Colombiaans hierevoetbalèlftal

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

't Colombiaans hierevoetbalèlftal vertrejt Colombia bij internationaol voetbalmatche. 't Team, bijgenaomp Los Cafeteros ('de koffiemekers', 'ne bijnaom veur gans 't Colombiaans volk), weurt gereguleerd door de Federación Colombiana de Fútbol (FCF), aongeslote bij de CONMEBOL. Es zoedaoneg is 't Colombiaans voetbalèlftal otomatisch geplaots veur de Copa América en deit 't mèt nege aander teams mèt um veer of vief plaotse op e Wereldkampioensjap.

Historie

Voetbal voont in Colombia laat ingaank. Pas in 1938 späölde 't team zienen iersten officiële match (tege Mexico). Pas in 1962 wis 't land ziech veur 't iers veur e WK te plaotse; wijer es de grópsfaas kaom 't team neet. Daonao bleve groete successe jaorelaank oet, tot 't land in 1987 daarde woort in de Copa América. In 1990 woort veur 't iers in jaore 't WK weer behaold; Colombia kaom tot de achste finaal. Ouch in 1994 en 1998 woort 't WK gehaold, noe evels zoonder de knock-outrunde te hole. In 2001 won Colombia zelfs de Copa América. Dat succes kraog gei vervolg: tot 2014 wis 't land ziech neet veur WK's te plaotse. Dat jaor evels góng 't verrassend good: op 't WK in Brazilië haolde Colombia de kwartfinaal nao drei kier wins in de gróp en 'n euverwinning op Uruguay in de achste finaal. Oetindelek waor gasland Brazilië in de kwartfinaal te sterk. Dit succes kraog e verolg in 2016, mèt de daarde plaots in de jubileumeditie vaan de Copa. Ouch op 't WK vaan 2018 in Rusland haolde Colombia de achste finaal.