Clara Eggink

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Clara Hendrika Catharina Clementine Helène Eggink (Utrech, 18 aprèl 1906 - Scheveningen, 3 miert 1991) waor 'n Nederlandse diechteres, sjriefster en vertaolster. Neve häör eige werk woort ze veural bekind door häör associatie mèt inkel bekinde manneleke diechters.

Biografie[bewirk | brón bewèrke]

In 1925 maakde Clara Eggink, daan indexamekandidaot veur de HBS, kinnes mèt de bekaans twinteg jaor awwere J.C. Bloem, rieksgecommitteerde veur de exames. 't Jaor dao-op trouwde ze. ze kraoge same ei keend. In 1932 sjeide 't paar. Daonao trouwde Eggink nog mèt Jan Campert en mèt Hans Ivens (broor vaan Joris Ivens). Tössedoor kaom ze toch weer trök bij Bloem. Ind 1957 vestegde ziech in 't vaardörp Kalenberg (in de kop vaan Euverijssel). Bloem kaom bij häör woene; ze bleve noe tot zienen doed in 1966 same. Zelf bleef ze dao nog jaore woene. Nao nog e paar jaor in Voorschoten (provincie Zuid-Holland) góng ze in 1982[1] nao 't Rosa Spierhuis, e hoes veur bejaorde kunstenere in Laren (provincie Noord-Holland). Ze storf op 1991, 84 jaor aajd, in Scheveningen.

Werk[bewirk | brón bewèrke]

Eggink publiceerde in 1934 häören ierste bundel; nog diverse aandere volgde. Mer ei gediech vaan häör is bekind gewore, "Doodenmarsch voor Rotterdam", wat geschreven woort kort nao 't Bombardemint op Rotterdam en nao d'n oorlog door Henriëtte Bosmans op meziek woort gezat.

Poëzie[bewirk | brón bewèrke]

  • 1934 - Schaduw en water
  • 1938/40 - Het schiereiland
  • 1941 - De vrouw en de cormorant
  • 1941 - Landinwaarts
  • 1954 - De rand van de horizon
  • 1975 - De tederheid die de stilte is
  • 1983 - Verzen - vroeg en laat

Proza[bewirk | brón bewèrke]

  • 1953 - Kleine grapjes van grote mensen: verhäölkes euver sjrievers
  • 1960 - De merkwaardige reizen van Henriëtte en Alexandrine Tinne
  • 1961 - Gewoon mensen
  • 1962 - Een Rotterdams kind en andere ontmoetingen
  • 1977 - Leven met J.C. Bloem: biografische sjets
  • 1979 - In Afrika
  • 1980 - Kind

Bronne[bewirk | brón bewèrke]

Dit artikel is gebaseerd op 't corresponderend Nederlandstaoleg artikel, en wel in dees versie.

Rifferenties[bewirk | brón bewèrke]

  1. NRC - Clara Eggink (Column vaan Frits Abrahams)

Externe link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Clara_Eggink&oldid=433968"