Charleville-Mézières

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Charleville-Mézières
Charleville-Mézières op de kaart van Frankriek
Charleville-Mézières
Charleville-Mézières
Charleville-Mézières op de kaart van Frankriek
Charleville-Mézières op de kaart van Ardennes
Charleville-Mézières
Charleville-Mézières
Charleville-Mézières op de kaart van Ardennes
't Houfplein: Place Ducale
't quartier d’Arches vanoet de Maas

Charleville-Mézières ies 'n sjtad die aan de Maas liegk. Ze ies 'n commune (gemeinte) in 't departement Ardennes van de regio Grand Est (ouch-waal 't Groate Oaste)[1], te Noordoas-Frankriek. Ze ies ein van de belangriekere sjtea van de sjtreek en ies de houfplaatsj (of prefecture) van zoawaal häör eige arrendissement (Arrondissement Charleville-Mézières) en van de veer gelieknamige kantons die tezame de gemeinte vörme (Charleville-Mézières-1, Charleville-Mézières-2, Charleville-Mézières-3 en Charleville-Mézières-4).

Officieel heisje luuj oet Charleville-Mézières Carolomacériens (mannelik) en Carolomacériennes (vrouwelik), mer informeel neume ze ziechzelf dieks lever Carolos. Van oarsjpronk liegk dat nog angesj. Charlleville, 't noordelik deil van de sjtad, en Mézières, 't zuujelik deil, zin pas gefuseerd es ein sjtad in 1966. De zuujerlinge neume ziechzelf nog ummer dieks Macériens, wiel de noorderlinge ziech Carolopolitains neume.

In 2018 haw de plaatsj in de Ardenne 46.391 inweunersj. Ze ies 31,44 km2 groat. Dao woonde dus zoan 1.476 luuj de km2 in 2018. Wier liegk 't op 'n huègte van 133-228 meter (gemiddeld 197 meter). Charleville-Mézières haet, zoawie zoaväöl provinciesjtedsjes in Frankriek, al decennia te make mèt krimp. Zoa goof 't in 1975 nog 60.176 inweunersj.

In dees gemeinte weurt van oarsjpronk Champenois gekald, zoawie in de meiste plaatsje in de Franse Ardenne. Mer 't geuf ouch al Waalse invlooje in 't lokaal dialek van Charleville-Mézières.

Veur e gans euverziech van de 449 gemeintes in de Franse Ardenne, zuug de lies van gemeintes in Ardennes.

Rifferenties[bewirk | brón bewèrke]

  • Dit artikel ies groatdeils euvergenömme oet 't corresponderend artikel op de Franstalige Wikipedia. Zuug hie
  1. Tot 1 jannewarie 2016 loog Ardennes in Champagne-Ardenne. Dae regio is toen opgegange in de Grand Est.