Catherine Ashton
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Catherine Margaret Ashton (Upholland, Vereineg Keuninkriek, 20 miert 1956) is 'n Brits pollitika en waor eurocommissaris (2008 bis 2014), de hoeg vertegeweurdegster vaan boetelandse zake en veilegheidsbeleid vaan de Europese Unie en ein vaan de zeve vice-prizzedente vaan de Europese Commissie.
Nao de Brexit waore EU-politici vaan 't Vereineg Keuninkriek gedwonge um hun Europees carrières achter ziech te laote, zoe-ouch Ashton.
Leve veur de EU
[bewirk | brón bewèrke]Ashton waor al vaanaof ind Jaore 70 aktief in de linkse polletiek vaan Ingeland. Vaanaof de 21e iew bezoot ze versjèllende belaangrieke Britse póste in de nationaole polletiek. Zoe waor ze staotssècretaris, viciminèster en minèster. In 2006 kraog ze de titel Britse Politicus vaan 't Jaor, umtot ze 'n veurvechster waor veur homoseksuele lui.
Leve in de EU
[bewirk | brón bewèrke]Wie in 2004 de commissie Barroso I woort opgestèld kraog zie ummertouw mie kontakte mèt de Europese Unie. In 2008 woort ze commissaris veur dees commissie. Wie in 2009 de commissie Barroso II woort opgestèld, woort Ashton wie ieder geneump hoeg vertegeweurdegster vaan boetelandse zake en veiligheidsbeleid en ein vaan de zeve vice-prizzedente vaan de EC. Ashton steit bekind um 'n veurvechster vaan mie democratisering in de EU en 'n pleitster veur mie ikkonomische contacte mèt Rösland en minder mèt de VS. Zie numde de VS dèks sins de crisis te risicovol en de oonrealistisch.