Broksele

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Broksele op de kaart van Frankriek
Broksele
Broksele
Broksele op de kaart van Frankriek
Waope vaan Broksele.
Ligking vaan Broksele in 't arrondissemint Duinkerke en 't kanton Wormhout.
't Menneke Pis vaan Broksele (zuug d'n teks).

Broksele (officieel Broxeele, in 't Nederlands soms ouch Brokzele gesjreve) is e dörp en 'n gemeinte in 't Frans Noorderdepartemint, in Frans Vlaondere, arrondissemint Duinkerke, kanton Wormhout, mèt zoe'n 300 inwoeners.

Geografie en infrastructuur[bewirk | brón bewèrke]

Broksele ligk nog zjus in 't Bloetland, 't noordelek polderland vaan Frans-Vlaondere. De gemeinte grens mèt de klok mèt aon Bollezele, Rubroek, Buisscheure, Lederzele en Volkerinkhove. Broksele is e klei kèrkdörp wat direk aon d'n departementaole weeg D211 ligk. Kortbij 't dörp ligke de bronne vaan d'n IJzer, die me es e klei beekske euverstik es me nao Rubroek geit.

Historie[bewirk | brón bewèrke]

Broksele is in 1072 veur 't iers vermeld, es Brocsela, en liet ziech gemekelek verklaore es 'zaolboerderij in 't moeras (brook)'. Heimèt is de naom etymologisch identiek aon dee vaan Breusel (Bruocsella in de vreug middeliewe); um die rei zien de twie gemeintes in d'n twintegsten iew gezjumeleerd.

Historische inwoenertalle[bewirk | brón bewèrke]

jaor aontal jaor aontal jaor aontal jaor aontal jaor aontal
1793 304 1851 350 1891 364 1936 264 1999 269
1800 303 1856 342 1896 336 1946 262 2006 306
1806 410 1861 335 1901 334 1954 265 2010 304
1821 395 1866 344 1906 327 1962 249
1831 411 1872 376 1911 292 1968 209
1836 407 1876 373 1921 279 1975 190
1841 405 1881 357 1926 280 1982 211
1846 362 1886 362 1931 268 1990 270

Cultuur[bewirk | brón bewèrke]

Beziensweerdeghede[bewirk | brón bewèrke]

't Veurnaomste monumint in 't dörp is de gotische Sint-Kwintenskèrk. Op de kèrkef is e Brits oorlogsgraaf te vinde. 'n Aander monumint is 't raodhoes. 't Bezunderste punt vaan 't dörp is evels 't Menneke Pis. Dit is 'ne replica vaan 't bereump Breusels beeldsje, in 1979 door de stad Breusel aon häör klein zöstergemeinte gegeve en ei jaor later geïnstalleerd.[1] Vreuger stoont 't Menneke aon de 'groete' weeg, sinds 2011 evels veur 't raodhoes.[2] 't Menneke kin pisse, al heet me daoveur wel zie gemech mote doorbaore.

Taol[bewirk | brón bewèrke]

Traditioneel weurt in Broksele Frans-Vlaoms gesproke. Door zien westeleke ligking liekent 't plat vaan Broksele relatief wieneg op 't Wes-Vlaoms oet 't Belsj. E kinmerk vaan Broksele en 'n aontal aander dörper in de umgeving is de infinitief op -e (in plaots vaan -en), wat rappeleert aon 't Fries, Wes-Fries en Ziews.[3]

Waope[bewirk | brón bewèrke]

Broksele dreug 't volgend waope:

In keel (roed) 'ne liew vaan zèlver (wit), geklaajd en getóngk vaan goud.

Bronne[bewirk | brón bewèrke]

Commons
In de categorie Broxeele van Wikimedia Commons zeen media gerelateerd aan dit óngerwerp te vènje

Dit artikel is gebaseerd op de Nederlandstaolege en Franstaolege versies.

Rifferenties[bewirk | brón bewèrke]

  1. 365 jours en Flandres - Le Manneken-Pis de Broxeele fête ses 30 ans
  2. Inscriptie op d'n awwe sokkel
  3. Hugo Ryckeboer, Taal in stad en land: Frans-Vlaams, Tielt 2004: pp. 53-4
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Broksele&oldid=423357"