Brigitte Bardot

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Brigitte Bardot (1958) Venice Film Festival.

Brigitte Bardot, ouch wel BB genump, (Paries, 28 september 1934) is 'n Frans fotomodel, actrice en zangeres. Es "stoeipoes" weurt zie besjowd es de beliechaming vaan de jaore '50.

Bardot, dochter vaan 'ne industrieel, begos mèt modellewerk wie ze 15 jaor aajd waor. In 1952 waor zie veur d'n ierste kier te zien op 't witte dook in Le Trou Normand. In 'tzelfde jaor troujde zie op 18-jaorige leeftied mèt rezjisseur Roger Vadim. Ze scheidde in 1957 vaan häöm en troujde later mèt acteur Jacques Charrier (1959-1962), d'n Duitse miljonair Gunther Sachs (1966-1969) en de Franse, rechse politicus Bernard d'Ormale (1992-noe).
Bardot heet ouch beruchte relaties gehad mèt Serge Gainsbourg (zenger), Sacha Distel en Jean-Louis Trintignant (acteur).

Sins de jaore '70 deit Bardot väöl werk es dierenrechteactiviste. Ouch maak zie ziech sterk veur 't behaajd vaan de natuur vaan 't sjiereiland achter St. Tropez, boe zie al tientalle jaore woent. Häör controversieel en openhartige meininge euver zake wie immigratie, d'n islam en homoseksualiteit höbbe häör reputatie in de loup vaan de jaore sterk beïnvleud.

Häören huidege maan, Bernard d'Ormale, maak deil oet vaan de top vaan 't Frans extreem-rechs Front National. Mierder kiere is Bardot veur 't aonzwungele vaan rassehaat veur 't gerech gedaog. In 2001 en 2004 (wegens oetlaotinge in häör book Un cri dans la silence) woort ze daoveur veroordeild.

Ze heet ei keend, Nicolas-Jacques Charrier (gebore in 1960).

Filmografie[bewirk | brón bewèrke]

Literatuur[bewirk | brón bewèrke]

  • Brigitte Tast, Hans-Jürgen Tast (Hrsg.) Brigitte Bardot. Filme 1953-1961. Anfänge des Mythos B.B. (Hildesheim 1982) ISBN 3-88842-109-8.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Brigitte_Bardot&oldid=434241"