Bonn

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Waope vaan Bonn
Ligking vaan de stad Bonn (roed) in Duitsland (wit), Noordrijn-Wesfale (doonkergries) en 't distrik Kölle (leverkleureg).

Bonn is 'n stad (groetstad, Großstadt) in d'n Duitsen deilstaot Noordrijn-Wesfale, aon de Rijn, op oongeveer twiedaarde stroumaofwaarts vaan Kovelens (Koblenz) nao Kölle. Bonn, wat op 31 december 2011 327.913 inwoeners had, is 'n distriksvrij stad (Kreisfreie Stadt) die weurt ingedeild bij 't regeringsdistrik (Regierungsbezirk) Kölle (zuug keertsje). De stad is al sinds de prehistorie bewoend - 't toponiem geit trök op 't Keltisch bon(n)a 'dörp' - meh hèlt es stiechtingsjaor 12 veur Christus aon, 't jaor tot hei e permanent Romeins kampemint kaom. In de middeliewe oontwikkelde ziech de stad mer laankzaam in de sjeem vaan Kölle; in 1243 kraog ze stadsrechte. Nao de slaag bij Woeringe kós ze ziech beter oontwikkele. Vaan 1597 tot 1794 waor de stad de hoofresidentie vaan de Kölse käörvaorste. Nao 'nen tied vaan Franse bezètting kaom de stad in 1815 aon Pruses. Vaan 1949 tot 1990 kraog de stad groete beteikenis es hoofstad vaan Wes-Duitsland. Nog tot 1999 bleef 't de residentiestad, tot regering, parlemint en president oetindelek nao Berlien verhuisde. Wijers geneet de stad bekindheid es de geboorteplaots vaan Ludwig van Beethoven (1770), dee zien statu in Bonn te zien is.


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Bonn&oldid=346391"