Blawwe paterskap

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Blawwe paterskap.

De blawwe paterskap (Aconitum napellus) is 'n plantj oete ranonkelfemielje (Ranunculaceae). De saort kump veur oppe huuegdje tösse de 1000 enne 2000 m. De plantj wuuertj 50 toet 150 cm hoeag en wuuertj gevónjen inne buurt van water. Oearsprunkelik koom dees plantj neet veur in Nederlandj, mer is allewiel verwiljerdj waal te vinjen inne netuur.

De plantj bleutj in junie mit duusterblaw blome. De plantj wuuertj gebroek door hómmele veur häör veur nektar d'roet te haole.

Dore hoeag vergiftigheid (e paar graam is doeajelik veur 'ne miens) woort de plantj opgenómmen in Materia Medica Pura worin Samuel Hahnemann 67 versjillige stoffen enne veroearzaakdje symptome besjreef. De blawwe paterskap woort vreuger ouch waal gegaoven aan luuj die t'r doead wore veroeardeildj. Klein kinjer kónne baeter vanne plantj aafblieve. Nao 't aanrake mitte plantj mót me drek de henj wasse, went de vergifstof kan dore hoed haer dringe.

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Blawwe_paterskap&oldid=416746"