Björn Kuipers

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Björn Kuipers gief 'n geel kaart op de Confederations Cup 2013 in Brazilië.

Björn Kuipers (Oldenzaal, 28 miert 1973) is 'ne Nederlandse voetbalsjeidsrechter. In 't daogeleks leve is heer filiaolmanager bij 'ne supermerret. Heer flöt zoewel wedstrije in 't Nederlands profvoetbal es groete internationaol toernoje.

Carrièr[bewirk | brón bewèrke]

Kuipers woort in 2009 gepromoveerd nao de hoegste klas in de UEFA. Heer had toen al vrundsjappeleke wèdstrije en kwalificatiematches geflote. Zie debuut op e groet toernooj waor in 2012 bij 't Europees kampioensjap in Pole en Oekraïne. Heer floot dao-in twie duels in de grópsfaas. In 2013 stèlde me häöm aon es hoofsjeidsrechter in finaal vaan de Europa League. 't Jaor dao-op mós heer ouch de finaal vaan de Champions League fluite, en woort heer aon 't werk gezat op 't Wereldkampioensjap, boe heer drei grópsduels leide. Ouch op 't EK vaan 2016 waor heer presint, zoe good wie op 't WK vaan 2018. Op dat lèste toernooj maakde heer indrök en woort heer veur diverse belaankrieke knock-outmatche ingezat. De finaal flötde heer evels neet; dao waor heer mer veerden official.

Bron[bewirk | brón bewèrke]

Dit artikel is gebaseerd op, meh neet vertaold oet, 't corresponderend Nederlandstaoleg artikel, en wel in dees versie.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Björn_Kuipers&oldid=428315"