Birk

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


'ne Birk innen harves.

Birk (Letien: Betula) is e geslech van buim oete birkfemielje (Betulaceae). De buim van dit geslech kómme versprèdj veur euver 't naordelik halfróndj: ze zeen uters wintjerhel. Ze zeen de ènsigste boumsaorte die van netuur veurkómmen op Gruuenlandj en Ieslandj.

Kènmirkendj veur birke is 't in horizontaal benj aafblajere vanne sjèl oppe stam. De nuuj sjèl is sómtieds wit, meh kan aafhenkelik vanne saort ouch roead, of wie de meiste saorte, broen zeen.

De mennelike bleujwies van birke haet gael, hangendje roepsvörmige ketjes, die al veure wintjer dao zeen. De stäöndje vrouwelike bleujwies, ónger ane mennelike bleujwies, is mit knoepsjöbbe ómgaeve. Verspreijing van 't stuufmael vindj plaats dore windj. De vröch is e klei dóbbelgevläögeldj nuuetje.

Birke höbbe veur en bie 't oetkómme van 't blaad 'n gans sterke saapstruiming en kónne daodoor allein innen harves en inne wintjer waere gesneujdj.

Taxonomie[bewirk | brón bewèrke]

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Birk&oldid=385783"