Bertoloni-akkelej

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Bertoloni-akkelej.

De bertoloni-akkelej (Aquilegia bertolonii) is 'n euverblievendje plantj oete ranonkelfemielje (Ranunculaceae), die endemisch is veure wèstelike Alpe. De plantj greutj veurnamelik op werm, zónnige plaatsen op kalksteinbaom, wie bósrenj en puunhellinge.

De plantj is endemische veure Franse Zieë-alpen enne aangrenzendje Ligurische Alpe.

De bloom vanne bertoloni-akkelej.

De bertoloni-akkelej is 'n euverblievendje, kroedechtige plantj, mit 'nen inkelen of min-vertakdje, toet 50 cm lange, baovenaan kleerechtig-behaordje bloomsstengel mit ein toet vief blome. De gróndjblajer zeen gesteeldj, dóbbeldrietalig mit 'nen deep-gekarteldje blaadrandj. De versprèdj-stäöndje stengelblajer zeen klènder en deep ingesni-jje.

De blome zeen kortgesteeldj, knakkendj, viefdeilig, duusterblaw toet blawpaars-gekluuerdj. De kelchblajer wieze nao ónger. De inne midde gebunjeldje kroeanblajer zeen aafgerundj of aafgeknóffeldj. De späör baovenane kroeanblajer zeen sterk gebaoge. De maeldräöj zeen felgael-gekluuerdj en staeke neet boete de bloom oet.

De plantj bleutj van junie toet julie.

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bertoloni-akkelej&oldid=417443"