Bergkitting
Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.
'n Bergkitting is 'n lankgerèkdje groep aan berg. Bergkittinge óntstaont doordet twiè continentaal plate taenge einanger aanboetse of doordet 'n oceanische plaat ónger 'n continentaal plaat sjuuf. 't Lits-geneumdje procès hètj subductie. Ouch kónne bergkittinge óntstaon doordet twiè oceanische plate oeterein drieve. Den óntsteit 'n lankgerèkdje rie vulkane ónger de ziè, die in 't val van Ieslandj, de Azore, de Canarische Eilenj en de Falklandjeilenj baove water kónne kómme.
De meiste berggruup höbbe door häör óntstaon de vorm van 'n bergkitting.
De lengste bergkitting op de waereld is de Mid-Atlantische Rögk; deze haet 'n lingdje van zoaget 16.000 km.
Euver 't landj door Naord-Amerika en aan de wèskus van Zuud-Amerika strèkke de Rocky Mountains en de Andes zich oet es ein aaneingeslaote bergkitting.