Beppie Kraft

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Beppie Kraft vlak veur heur optrejje op Keuningsdaag 2022 in de Breistraot

Barbara Laurentia Christiana (Beppie) Kraft is 'n zangeres vaan vastelaovends- en schlagermuziek. Ze woort op 5 juni 1946 gebore in Mestreech. Es dochter vaan componis, zènger en tekssjriever Jean Kraft (ouch: Sjeng Kraft) kreeg zie al snel tekste vaan häöm towgesjove, en zoe begós zie al joonk te zinge. Ze waor toen 11 jaor aajd, en heet vaanaof ’t begin in ’t Mestreechs gezoonge. Zie woort bekind bij ’t meiste volk wie ze op ging treije mèt ’t duo ‘Berb en Gradus’.

In 1961 maakde Kraft häör ierste grammofoonplaat (LP) en in 1986 won zie ’t Limburgs Vastelaovesleedjes Konkoer met ’t leedsje ‘Jao, hei in Limburg’. Ieder, in 1981, woort ze nog twiede met ‘Dao zit vastelaovend in de loch’. In 1994 won zie de Gouden Narrenkap.

Vaanaof 1987 tot juli 2004 goof Kraft same mèt Connie Peters leijing aon de Limburgse produktiemaotsjappij Marlstone. Op 'ne provinciale zender, TV Totaal, waor ze ouch nog te zien met ’n kookprogram. Veur de regionale zender L1 had zie ’n program boe in zie mèt gaste oet Nederlands en Belsj Limburg spraok.

Beppie Kraft trejt nog steeds door gans Limburg op, al deit zie ’t de lèste jaore vaanwege häöre leeftied gèt rustiger aon. Veur väöl lui, veural Mestreechtenere, is Beppie de zangeres vaan ’t Limburgs leed vaan de lèste jaore, veural tijdens de vastelaovend.

Brón[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Beppie_Kraft&oldid=454011"