Sjeng Kraft

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Sjeng Kraft (Mestreech, 12 december 1924- idem, 3 juli 1999) waor 'ne monekaspeuler en tekssjriever. Heer is de pap vaan zangeres Beppie Kraft. Vreuger waor heer mier bekind es Jean Kraft. Veur de zanggroep Ezzebleef oet Valkeberg arrangeerde heer versjeie titels, boe-oonder "Bove de vieftig jaor" gesjreve door Guus Sjmeets. Sjeng späölt hij de Kwetsjbuul. In de zestiger jaore späölde heer es beroepsmuzikant in de Valkebergse en Mestreechse cafeekes en wèrkde es vaste arrangeur/accordeonis bij plate-maotsjappij Telstar (Johny Hoes) in Weert. Heer sjreef väöl arrangeminte veur de "Zangeres zonder naam" (Mary Servaes)

Wie zien dochter Beppie Kraft, eind jaore tachtig, same mèt Conny Peters de opnamestudio euvernaom vaan Jean Innemee, woort heer de vaste arrangeur veur hiel väöl Marlstone artieste. In de leedsjes vaan Beppie kómme de naome vaan häöre Pa en häör Ma dèks veur, zie heet 't daan hiel déks euver Sjeng en Marie.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Sjeng_Kraft&oldid=349788"