Avenida Paulista

Van Wikipedia
Naar navigatie springen Jump to search
De Avenida Paulista vaanoet de loch.
't MASP, e groet museum aon de Avenida Paulista.

De Avenida Paulista (lètterlek laon vaan Paulus of laon vaan São Paulo) is ein vaan de groetste straote in de Braziliaanse stad São Paulo. De breie weeg strèk ziech 2,8 kilometer in noordwestelek-zuidoosteleke riechting oet door de stad. In 't noordweste sluit ze aon op 't awwer stadscentrum, in 't zuie geit ze, nao 'ne flauwen drej, euver in de Avenida Bernardino de Campos. De straot besteit oet twie veerbaonsweeg (bösbaon mètgerekend), mèt in de middeberm e fietspaad. Oonder de groond löp lijn 2 vaan de steideleke metro.

De Avenida Paulista woort in 1891 aongelag. In 1909 woort ze es ierste straot in São Paulo geasfalteerd. Oonder 't rezjiem vaan Getulio Vargas woort ze, nao 't model vaan Chicago umgevörmp tot greuj-as vaan de nui stad. 'n Wijer modernisering voont ind jaore viefteg plaots, oonder Juscelino Kubitschek. D'n opzat vaan Vargas en Kubitschek is gelök, in dee zin tot de Avendia en häör zijstraote allewijl de kern vaan 't Paulistisch stadsleve zien. Aon de straot zuut me talloes wolkekretsers, die väöl hoofketoere vaan groete bedrieve hoesveste. Ouch vint me hei 't MASP, 't groetste kunsmuseum vaan Zuid-Amerika. Ouch 't nachleve is hei sterk oontwikkeld.

Commons
In de categorie Avenida Paulista van Wikimedia Commons zeen media gerelateerd aan dit óngerwerp te vènje


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Avenida_Paulista&oldid=424530"