Atlantikwall

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


De Atlantikwall in mei 1944

D'n Atlantikwall ofwaal d'n Atlantikmoer waor 'n 2685 km lang verdeieginslinie langs de kus van d'n Atlantische Oceaan, 't Ingelsj Kanaal en de Noordziè. 't Woort gepland en gedeiltelik geboewd tiejesj d'n Twiède Waereldoorlog door Nazi-Duutsjland langs de grens van Nuuj-Aquitanië, de Pays de la Loire, Bretagne, Normandië, Hauts-de-France, Vlaandere, Wes-Nederland, Daenemark en Noorwege tusje 1942 en 1944. De Atlantikwall moos 'n invasie door de Westerse geallieerde (de VS en 't VK) veurkomme, mer mèt de geallieerde invaise op Omaha Beach (6 juni 1944) bleek dat toch neet te lukke.

Tiejesj de geallieerden aanval vanoet Operatie Overlord waor hie veural 't naodeil van de liège verdeidigingsdeepte klaor. De massaal superioriteit van materiaal, informatie en bemenning van de geallieerde allein compensere door middel van "verhelde sjtrande" bleek bekans onmeugelik, veural umdat de invasiesjtrande bienao allemaol zjwoar woorte gebombardeerd vanaaf de ziè en vanoet de loch. Zoadra d'n ièrsjte doorbraak waor gemaak, koes d'n indringer wiet in alle riechtinge oprukke. Van de kant van de Duutsjers leide onzekerheje euver preciesheid, onzjuuste beoordeilinge, verangerende sjtrategieë um de Atlantikwall te verdeiige en de heersjende verongersjtèlling bies D-Day dat de invasie zou plaatsjvinge op't sjmaalste punt van 't Ingelsj Kanaal tot anger verkièrde besjlissinge, die later de invasie begunstigde.

De opzèttinge van de Atlantikwall in Normandië waersjtonge de zörgvuldig geplande geallieerde invasie sjlechs einen daag (Operatie Neptunus). De systeme aan de Franse weskös bleve ivvels langeren tied in Duutsj heng, veural die op 't gebeed van ongerzièse systeme. Ze woorte geleielik geëimineerd umdat ze gein primair dole waore. De sjnel opmars nao Paries en daonao Berlien haw prioriteit. De Atlantikwall sjpeelde geine besjlissende rol miè in 't wier verlaop van d'n Twiède Waereldoorlog, al woorte sommige plekke hendig verdeiig door de Duutsjers.

Brón[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Atlantikwall&oldid=449996"