Assimilatiebeleid

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


E Assimilatiebeleid is e beleid of 'ne polletiek dae es doel haat dat autochtoon bewoners van 'ne sjtrieëk zich cultureel assimilere, m.a.w. hön ege cultuur en taal ópgaeve en die vervange dör de heersende cultuur en taal van d'r regio oeë ze wónne of dör verendering van grenze, zeunt kaome te wónne. 't Kaderverdrag inzake de bescherming van nationale minderheden van d'r Raod van Europa verbeejt akties die expliciet assimilatie naosjtraeve mae ooch e beleid dat de facto assimilatie töt gevólg haat.

Frieze en Fraanstalige Voerenaere[bewirk | brón bewèrke]

Vermits de Frieze erkaant zeunt in de kaders van 't baovegeneumd verdrag en de Franstalige Voerenaere neet, kan Vlaandere in Voere e assimilatiebeleid veure dat vör Hollendere in Friesland verbaoje is. De Nederlands Limburgse media deunt in hön berichtgaeving evvel esof in Voere gèng autochtoon Franstalige wónne en drage daomèt bie an d'r Vlamsje assimilatiepolletiek. Ze neume daobie de gemèngde 'n grensgemèngde en neet 'n taalgrensgemèngde of facilitetegemèngde wat óp 't Belsj d'r grondwetteleke sjtatus is. E kwart van de sjtèmgerechtigde bevolking haat de Nederlandse nationaliteit en vólgt de Hollendsje media.[1]

Referentie[bewirk | brón bewèrke]

  1. L1 neumt allèng Nederlandstalige sjtraotname terwiel de name van sjtraote in Voere twieëtalig zeunt, wat wèttelek verplich is
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Assimilatiebeleid&oldid=159424"