Afar (spraok)

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


't Afar is 'n Afro-Aziatische spraok die gekaldj wuuertj inne oeastelik lieëglenj van Ethiopië, inne staote Afar, Amara en Sumale. De spraok wuuertj gekaldj door zoea 1.280.000 luuj in Ethiopië (2007), mit 'n ganse bevolking van 1.379.200 in alle lenj, worónger 906.000 einspraokige. 't Afar haet de ISO 639-3 code aar enne ISO 639-1 code aa.

Inkel anger benaminge veure spraok zeen Adal, 'Afar Af, Afaraf, Qafar, Danakil en Denkel, wovan de litste twieë es aanstoeatgaevendj gelje. 't Guuef versjillige dialekte, namelik Aussa, Baadu (Ba'adu), Centraal-Afar en Naord-Afar. De spraok is verwantj aan 't Saho.

De standerd waordvolgorde is SOV. Spraekers van 't Afar kallen ouch 't Soedanees Arabisj. De graod van gelitterdjheid in Ethiopië inne ieëste spraok is óngere 1%; veure twieëdje spraok is det 3%. 't Guuef poëzie, nuje media, radiopragramma's, films en waordebeuk in 't Afar. De spraekers zeen euverwaegendj islamitische nomade.

Oearsprunkelik wuuertj 't Ethiopisch sjrif gebroek in Ethiopië, saer 1840 wuuertj veurnamelik 't Letiens sjrif gebroek.

In Djibouti wuuertj 't Afar door zoea 99.200 luuj (2006) gekaldj inne regio róndje Roeaj Zieë. De graod van gelitterdjheid inne twieëdje spraok is óngere 1%.

In Eritrea wuuertj 't Afar ouch inne regio róndje Roeaj Zieë gekaldj. De graod van gelitterdjheid inne twieëdje spraok is óngere 8%. In Eritrea wuuertj 't Afar oppe lieëgere sjoeal óngerweze. 't Wuuertj heim gebroek, in 't journalisme en dore locaal autoriteite. Alle laeftieje gebroeken 't Afar enne opstèlling taengeneuver de spraok is positief. Spraekers kallen ouch Arabisch. 't Afar wuuertj es twieëdje spraok gebroeke door spraekers van 't Dahalik en 't Saho.

De spraok wuuertj mesjiens ouch in Somalië gekaldj.

De spraokstatus veur dees spraok is provinciaal (2) in Ethiopië; det beteikentj det de spraok in óngerrich, wirk, media en bestuur binne groeate administratieve óngerdeiler van e landj gebroek wuuertj; en óntwikkelendj (5) in Djiboute en Eritrea; det beteikentj det de spraok laevetig is en det litteratuur in 'n gestanderdiseerdje vorm gebroek wuuertj door sómmige, meh det is nag neet wiedversprèdj of haadbaar. In Ethiopië is 't Afar 'n wettelike provinciaal wirkspraok inne Afar Regio (1994, Gróndjwet, Art. 47).

Classificatie[bewirk | brón bewèrke]

Brón[bewirk | brón bewèrke]

Wikipedia
D'r is 'n Afar editie van Wikipedia, de vriej encyclopedie.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Afar_(spraok)&oldid=355511"