Abron (spraok)

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


't Abron is 'n Niger-Congospraok die gekaldj wuuertj door 't Brongvouk in 't zuudwèste van Ghana, t'n naordwèste van 't spraokgebied van 't Asante Twi en inne Zanzan-regio van Ivoearkös. De spraok wuuertj gekaldj door zoea 1.050.000 luuj (2003) in Ghana, 133.000 luuj (1993) in Ivoearkös, mit 'n ganse bevölking van 1.183.000 luuj in alle lenj. 't Abron haet de ISO 639-3 code abr.

Anger benaminge zeen Bron, Brong, Doma en Gyaman. De spraok wuuertj saer 1978 gesjreven in 't Letiens sjrif. De spraekers zeen islamitisch, kristelik (protestantjs) of hangen 'n traditioneel religie aan.

In Ghana kalle de spraekers ouch Akan en Ingels. De graod van gelitterdjheid inne ieëste spraok is lieëger es 1%; inne twieëdje spraok is det 25% toet 50%. In versjillige dörpe is e saer 2004 begós mit 't opveure vanne gelitterdjheid óngere bevölking.

In Ivoearkös kalle sómmige spraekers ouch Bondoukou Kulango of Jula.

De spraokstatus veur dees spraok is óntwikkelendj (5) in Ghana; det beteikentj det de spraok laevetig is en det litteratuur in 'n gestanderdiseerdje vorm gebroek wuuertj door sómmige, meh det is nag neet wiedversprèdj of haadbaar. De spraokstatus in Ivoearkös is laevetig (6a); det beteikentj det de spraok gebroek wuuertj veur persuuenlike communicatie door alle generaties en det de situatie haadbaar is.

Classificatie[bewirk | brón bewèrke]

  • Niger-Congo
    • Atlantisch-Congo
      • Volta-Congo
        • Kwa
          • Nyo
            • Potou-Tano
              • Tano
                • Centraal
                  • Akan

Brón[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Abron_(spraok)&oldid=355885"