Abenaki

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

De Abenaki (Abnaki, Wabanaki, Waponahki) zeen 'n indianestam en First-Nationsvouk, ein vanne Algonkisch spraekendje luuj in 't naordoeaste van Naord-Amerika. De Abenaki wonen inne regio New England vanne Vereinigdje Staoten en Québec enne Zieëprovincies van Canada, 'n regio die in 't Oeastelik Abenaki Wabanaki geneump wuuertj, det dawlandj beteikentj. De Abenaki zeen ei vanne vief leje vanne Wabanaki Confederatie. Abenaki is 'n spraokkóndige en geografische groep; historisch gezeen goof 't gein sterke centraal autoriteit, mer e groeat aantaal versjillige kleinder stamme die väöl cultureel gedraginge deildje.

De Abenaki kallen 't Abenaki, det verdeildj wuuertj in twieë variante: 't Oeastelik Abenaki en 't Wèstelik Abenaki. Allewiel kalle de meiste Abenaki aevel Ingels of Frans.