Zuid-Egeïsche Eilen

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

---

Periferieë in Griekeland: 1.Attika, 2.Centraol-Griekeland, 3.Centraol-Macedonië, 4.Kreta, 5.Oos-Macedonië en Thracië, 6.Epirus, 7.Ionische Eilen, 8.Noord-Egeïsche Eilen, 9.Peloponnesos, 10.Zuid-Egeïsche Eilen, 11.Thessalië, 12.Wes-Griekeland, 13.Wes-Macedonië

De Zuid-Egeïsche Eilen (Grieks: Νότιο Αιγαίο, Notio Ejeo) is 'n periferie (vergeliekbaar mèt de regio's in Fraankriek) en 'n eilengróp in Griekeland.

Geografie

De Zuid-Egeïsche Eilen höbbe 'n oppervlak vaan 5.286 km². 't Ligk tösse Turkije en Griekeland in. De laank oetgestrèkde Griekse kös vaan 't vasland dat tegeneuver de Zuid-Egeïsche Eilen ligk bevind ziech in de periferieë Attika en Centraol-Griekeland. Ouch ligke neve bepaolde Zuid-Egeïsche Eilen get Centraol-Griekse eilen, ten noorde de Noord-Egeïsche Eilen en ten zuie 't bekinde eiland Kreta. Vergeleke mèt Kreta en aander Egeïsche en Ionische Eilen is dees eilandgróp väöl minder populair.

Eilen

De Zuid-Egeïsche Eilen bestoon oet mer leefs zevetien (dèks onofficieel) eilen. De zès groete eilen zien:

• Kos
• Rodos
• Delos
• Mikonos
• Naxos
• Santorini

Demografie

Volges de census vaan 2001 höbbe de Zuid-Egeïsche Eilen 'n inwoeneraontal vaan 302.686, en 'n deechde vaan 57/km². 't Groetste deil vaan de bevolking woent op ein vaan de zès groete eilen. De hoofstad is Hermoupolis.

Departeminte

De periferie is oonderverdeild in mer 2 departeminte (nomos):

• de Cyclade
• de Dodekanesos