Karpathos

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan Karpathos ('t groet eilaand in 't noorde) en Kasos ('t klein eilaand in 't zuie)

Karpathos (Nuigrieks alfabet: Κάρπαθος) is e Grieks eilaand dat ziech bis de Zuid-Egeïsche Eilen betaomp en daomèt ziech ouch beveend in de Egeïsche Zie, tösse Rodos en Kreta in, gaar neet wiet weg vaan 't kleiner eilendje Kasos, dat in 't zuidweste ligk, vaanoet Karpathos. 't Eilaand steit bekind um zien vreemp dialek, dat ziech neet laot kinmerke es 'n euvergaank vaan twie taole (zoewie dat bij de meiste Egeïsche eilen wel 't geval is, te opziech vaan Grieks en Törks), meh es 'n mèngsel tösse Nuigrieks en 't aajd Hellinistisch Egeïsch dialek dat hei veur de lètse kier zoen doezend jaor geleije woort gesproke. Nurges aanders es op Karpathos en naobereilaand Kasos kin me nog zoe klaor de spore vaan de Aw Egeïsche spraoke hure.

Geografie en demografie[bewirk | brontekst bewerken]

't Eiland heet 't oppervlaak vaan 324,1 veerkante kilometer en 't gief e inwoenersaontal vaan 5.670, al gief 't in de winter d'r meh 2.788 umtot väöl lui hei e zomerhuiske höbbe (neet allein kóntinentaole Grieke, meh ouch Kretaone, Cypriote en Wes-Europeane). In de zomer gief 't 'n inwoenersdeechheid vaan zoen 19 lui per veerkante kilometer.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Karpathos&oldid=352402"