Megisti

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan Megisti

Megisti (Griekse alfabèt: Μεγίστη, soms ouch Καστελλόριζο of Kastellorizo geneump, nao 't Iteliaonse Kastelorizo, Törks: Meis), spreek oet Meegiestie mèt de klèmtoen op -gie-, is ein vaan de mies oesteleke eilen die nog tot Griekeland behuurt. Evels ligk 't op nog gein 2 km aofstaand vaan de Törkse kös. 't Vilt oonder 't departemènt vaan Rhodos en de regio Zuid-Egeïsche Eilen en ligk däörum ouch geograofisch in de Egeïsche Zie

Demografie[bewirk | brontekst bewerken]

't Eiland heet 'n inwoenersaontal vaan 490 volges de census vaan 2011 en 'n oppervlaak vaan 11,978 km² en daomèt 'n inwoenersdeechheid vaan 36 lui per km².

Film[bewirk | brontekst bewerken]

De film Mediterraneo, boe in Iteliaonse seldaote in d'n Twiede Wereldoorlog de opdrach kriege 't eiland te bewake en door kapotte radio's neet in de gate höbbe dat d'n oorlog allaank is aofgelaope, maakde 't eiland hendeg populair bij Europeane. 't Is woersjijnlek ouch däörum tot 't eiland nog ummertouw toeriste wèl trèkke door de Iteliaonse naom (Kastelorizo) te gebruuke. Dit is naomelek de naom die de gaanse tied weurt gebruuk in de film. De naom is verneump nao 't kastiel dat d'r nog altied steit op 't middel vaan 't eiland.

Brónne[bewirk | brontekst bewerken]

De Griekstaolege Wikipedia en Duitstaolege Wikipedia.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Megisti&oldid=345475"