Noord-Egeïsche Eilen

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

---

Veendel vaan de aw rippebliek Ikaria, en allewijl vaan de Noord-Egeïsche Eilen

Periferieë in Griekeland: 1.Attika, 2.Centraol-Griekeland, 3.Centraol-Macedonië, 4.Kreta, 5.Oos-Macedonië en Thracië, 6.Epirus, 7.Ionische Eilen, 8.Noord-Egeïsche Eilen, 9.Peloponnesos, 10.Zuid-Egeïsche Eilen, 11.Thessalië, 12.Wes-Griekeland, 13.Wes-Macedonië

De Noord-Egeïsche Eilen (Grieks: Βόρειο Αιγαίο, Vorio Ejeo, Ionisch: Heptanisa) is 'n periferie (vergeliekbaar mèt de regio's in Fraankriek) en 'n eilengróp in Griekeland. Soms weurt in Europa de benaoming Noordelike Egeïsche Zie gebruuk. Evels is dit neet de riechteg benaoming.

Geografie

De Noord-Egeïsche Eilen höbbe 'n oppervlak vaan 3.836 km². 't Lègk tösse Turkije en Griekeland in. De laank oetgestrèkde Griekse kös vaan 't vasland dat tegeneuver de Noord-Egeïsche Eilen ligk bevind ziech in de periferieë Oos-Macedonië en Thracië, Centraol-Macedonië, Thessalië en Centraol-Griekeland. Ouch ligke neve bepaolde Noord-Egeïsche Eilen get Centraol-Griekse eilen en ten zuie de Ionische Eilen. Vergeleke mèt de lètste eilengróp, is dees eilengróp väöl minder greun, evels zien ze zjus väöl mie op toeriste geriech. Same mèt Kreta is dees eilengróp de toeristemagneet vaan gans Griekeland.

Eilen

De Noord-Egeïsche Eilen bestoon oet drei groete eilen en drei klein (dèks onofficieel) eilen:

• Lesbos
• Lemnos
• Samos
• Ikaria
• Fourni
• Chios

Demografie

Volges de census vaan 2001 höbbe de Noord-Egeïsche Eilen 'n inwoeneraontal vaan 206.016, en 'n deechde vaan 54/km². 't Groetste deil vaan de bevolking woent op ein vaan de drei groete eilen. De hoofstad is Mytilini.

Departeminte

De periferie is oonderverdeild in 3 departeminte (nomos):

• Chios
• Lesbos
• Samos