Kesjtieël Gebrook

Van Wikipedia
Gank nao: navigatie, zeuke

Dit artikel is gesjreve in 't Breuker. 't Weurt gewaardeerd óm in dit artikel 't Breuker aan te hauwe of aan te gaeve welk anger dialek gebroek is.


Kesjtieël Gebrook

Kesjtieël Gebrook, biej Gebrook in Zuud Limburg (gemeinte Heële), is ee va de groeëtste kesjtieële va Nederland. 't Ouwste gedeelte van 't kesjtieël besjteet sins óngeveër 1360.

Historie[bewirk | brontekst bewerken]

D'r ieësjte heër va Gebrook waor Herman Hoen, wiens vader i 1371 sjneuvelde tiedens d'r Sjlag biej Baesweiler. Heë woeëd vawaege ziene hölp i d'r sjtried teëge Gulik en Gelre i 1388 durch hertogin Johanna van Brabant beloeënd mit d'r heëlikheid Gebrook, dat van 't grónkgebeed va Heële woeëd aafgesjeje. D'r familie Hoen verliet 't kesjtieël sjloes 18e ieëw en verkoch 't i 1927 aa d'r hudige egenaar 'Ave Rex Christe'.

Herman Hoen waor in de 14e ieëw ouch eigenaer van kesjtieël Haren bie Voelender.

Bów[bewirk | brontekst bewerken]

I de loop va ieëwe is 't kesjtieël e flink aatal kieëre verbówd en vergroeët. 't Hudig aazich va Kesjtieël Gebrook, in baksjteë mit mergele versieëringe, vingk zieng oeërsjpróng in 't derde binneplei, sjtamp heudzakelik va nao 1640 en is verwant mit d'r Maaslandse renaissancesjtiel. Daovan getuge de mergele hookblök, deur- en vènsterlieëste. De i-richting getuug van 'ne groeëte Franse i-vlód. De versjillende bówsjtiele oeët de versjillende ieëwe zint dudelik vanein te óngersjieje.

Commons
In de categorie Kesjtieël Gebrook van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Kesjtieël_Gebrook&oldid=357536"