Frans Wiertz

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Frans Wiertz (2011)
Coat of arms of Frans Wiertz.svg

Frans Jozef Maria Wiertz (Kèrkrao, 2 december 1942) ies de biesjop van 't Bisdom Remung. Saer 't hersjtèl van de biessjoppelike hiërarchie in Nederland in 1853 ies hae de neugende biessjop van diet bisdom. Zien waopesjpreuk ies: Geef, Heer, liefde en geloof aan Uw Kerk.

Biografie[bewirk | brontekst bewerken]

Frans Wiertz woort gebore in Kèrkrao es oudste van neuge kinger. In 1955 geit hae nao 't kleinseminarie op Rolduc in Kèrkrao, woa hae gymnasium-alfa deit. Hae geit denao neet metein nao 't groatseminarie, meh geit ièrsj e jaor gesjiedenis sjtudere in Nijmege. In 1962 begint hae mèt zien preesteropleijing, die hae volg in Rolduc, Heerle en Remung. Op 30 mièrt 1968 weurt hae preester gewiejd.

Wiertz woort nao zien wiejing keplaon in Sjaasberg, woa hae bies 1977 bleef. Hae ies dao sjuus in d'n tied dat de miene gesjlote were, woadoor e groat deil van zien parochiane zónder werk kump te ziette. Denao woort hae pesjtoar in De Heeg in Mestreech (bies 1985), pesjtoar-deike van Gebrook (bies 1991) en pesjtoar-deike van Heerle (bies 1993).

Van 1991 bies 1993 waor hae verbónge aan 't kathedraal kapittel van 't bisdom Remung, van 1991 tot 1993 es kanunnik, en van 1992 tot 1993 es proos.

Op 10 juli 1993 woort Frans Wiertz door Johannes Paulus II beneump es de nuje biessjop van Remung. Hae weurt gewiejd op 25 september van dat jaor door kardinaal Simonis. Wiertz volgde Jo Gijsen op, dae um gezóndheidsrae moos aaftraeje.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Frans_Wiertz&oldid=355927"