Keplaon

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Binne de hiërarchie van de katholieke kèrk mèt respectievelik de paus, kardinaal, aartsbiesjop, biesjop, deike en pesjtoar waor en ies d'r, sporadisch nog in groater parochies, ouch nog 'ne keplaon. Dat ies 'ne geistelike, dae de pesjtoar assisteert. De keplaon ies gewiejd en haet daodoor alle bevoegdhede van 'ne preester. Dèks ies 't ouch de keplaon dae katechese-lèsse geuf op sjoale.

Nao de jaore 70 van de 20e ièw ies 't aantal keplaons in 'n parochie truukgeloupe. Vanwege 't klein aantal preestersjtudente were zie, die aafsjtudere aan 'n groat seminarie of aan 'n theologische hoagsjoal, meistal metein pesjtoar in 'n parochie. Assistentie weurt noe verriech door 'ne diake of 'ne leek. 'ne Diake haet 'n speciaal, lièger, wiejing.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Keplaon&oldid=342415"