Diake

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Speciaal kleid van de diake. De manipel euver de linker erm weurt in de nuuj Mèsorde neet miè gedrage. Ouch de bonnet op de kop weurt neet miè gedrage.

'ne Diake ies in de katholieke kèrk emes dae assisteert. Hae haet de ièrsjte van de drie hoager wiejinge (diaconaat) gehad, die 'ne preester krieg. 'ne Diake maog, in tegesjtèlling mèt ander geistelike, waal getrouwd zin.

't Woord diake kump van 't Griekse woord diakonos (διακονος), dat dener beteikent. De term woort al in de biebel toegepas: de vreugste christelike gemeinsjappe houwe diakes.

't Twiède Vaticaans Concilie haet 't diakesjap veur ouwer, getrouwde manne opnuuj toegesjtange. Paragraaf 29 van de Dogmatische Constitutie euver de Kèrk, Lumen Gentium handelt euver dees vernuujde vörm van 't diake-ambt.

Diakewiejing[bewirk | brontekst bewerken]

De diakewiejing deent ouch es veurbereijing op de hoag wiejing tot preester. Zoa-emes weurt, saer 't Twiède Vaticaans Concilie, dèks transeunt diake of euverganksdiake geneump. Aan de diakewiejing ging veur 1967 de wiejing tot subdiake veuraaf.

Bevoegdhede[bewirk | brontekst bewerken]

De diake maog katecheselèsse geve, duipe en es kerkelike getuge optrae bie 't sacrament van 't huwelik. Hae maog de pesjtoar assistere in de eucharistievieringe, hae maog praeke en de communie oetdeile.

Kleiing[bewirk | brontekst bewerken]

De dalmatiek ies 't liturgisch kleid wat speciaal bedoeld ies veur de diake. Onder de dalmatiek dreug hae de sjtola sjuuns euver ziene sjouwer.

Protestantisme[bewirk | brontekst bewerken]

In de protestantse kèrke ies de diake emes dae ziech inzèt veur de erm luuj. Same mèt de ouderlinge en de dominee vörme zie 't dageliks besjtuur, de kèrkeraod, van de kèrk.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Diake&oldid=342416"