Exodus

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

---

Exodus is e Biebelbook oet 't Aajd Testamint en wel 't twiedet; 't maak diel oet vaan de Pentateuch (ofwel Thora). 't Book besjrijf de oettoch vaan de Joede oet Egypte nao Kanaän; de naom beteikent daan ouch "Oettoch". De Hebreeuwse naom veur dit book is שמות. Euverdrachtelek beteikent 'nen exodus "'n oettoch vaan väöl lui tegliek". De feite in Exodus weure gemeinlik al väöl mie historisch betrouwbaar geach es die in Genesis.

[bewirk] Samevatting

De nuie farao oonderdrök 't Joedse volk en laot al Joedse jungskes in de revier wèrpe (1). Mozes oontkump dit lot ouch neet, meh weurt door de dochter vaan de farao oet 't water gehaold (2). Es heer opgreujt weurt heer gerope door de Hier dee häöm (3) en zie broor Aäron (4) opreup bij de farao aon te dringe op d'n oettoch vaan de Joede. Es ze dat doon versterk de farao zien onderdrökking allein mer (5), boenao God Mozes en Aäron obbenuits veur ziech röp, en oetlègk wat Heer zal doen gebäöre (6). Wienie de farao ze neet laot goon steurt God tien plaoge op Egypte en de farao aof (7 t/m 14). Pas nao de tiende plaog, wienie al ajdste jonges vaan de Egyptenare sterve, laot heer de Joede oet 't land trèkke.

De Joede beginne weg te trèkke (14) en wie de farao ziech wier bedink en soldate aochter hun heer steurt laot heer de Roej Zie droegvalle, en achter de Joede wier slute (15). Naotot ze in de weuste bepreuf zien gewees (15) laot de Hier 't manna regene oet d'n hemel (16). In de weuste weure ze door de Amalekiete aongevalle (17). Daan kump Mozes ziene sjoenpa Jetro, dee häöm zien vrouw en kinder mètnump en häöm aonraojt riechters aon te stèlle (18). Op de berg Horeb versjijnt de Hier aon Mozes (19) en opebaort de Joede de tien gebojer (20). Daonao volge nog e paar ander wètte (zuug Steine taofele; 21 t/m 24). Daan lègk heer oet wie de in Jeruzalem te bouwe tempel oet moot goon zeen (25 t/m 31).

De Joede make daan 'n aofgodsbild, 't Gawwe Kaaf, wat God weujend verweus. Mozes smiet de steine plaote kepot (32). God gif daonao nui plaote en waorsjouwt 't volk (33, 34). Teslotte gif de Hier hun religieus intructies (35 t/m 40).

Biebel: Aajd Testamint - Nui Testamint
Genesis | Exodus | Leviticus | Numeri | Deuteronomium | Jozua | Riechters | Ruth | 1Samuel | 2Samuel | 1Keuninge | 2Keuninge | 1Kronieke | 2Kronieke | Ezra | Nehemia | Esther | Job | Psame | Spräöke | Prediker | Kantieke | Jesaja | Jeremias | Lamentaties | Ezechiël | Daniël | Hosea | Joël | Amos | Obadias | Jonas | Micha | Nahum | Habakuk | Sefania | Haggai | Zacharias | Maleachi