Annunciatie

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


De annunciatie door Fra Angelico

Annunciatie (Latien In annuntiatione Domini= de aankondiging van de Hièr) of gewoon de Aankóndiging ies 't hoagfiès van de boodsjap van de heilige aartsingel Gabriël aan Maria in häör hoes in Nazareth, woa-in de geboorte van Jezus Christus weurt aangekóndig es zoon van Maria (Lucas 1:26-38).

Maria-boodsjap[bewirk | brontekst bewerken]

Umdat 't eigelik 'n aankóndiging ies van 't fiès van de Hièr, ies de ouwe naam Maria-boodsjap in de liturgische beuk vervange. Op 25 mièrt, precies 9 maond veur kaersjmes, weurt door de Christene 't begin van hun verlossing, de vervölling van 't profetisch woord: "Zuug de maag zal 'ne zoon ter waereld bringe, de verlosser", gevierd (Matteus 1:23).

Annunciatie door de breursj Van Limburg in 't miniaturebook de Belles heures Jean duc de Berry

Maria-boodsjap ies ein van de 7 vreugdes van Maria en ein van de bliej geheime van de roazekrans.

Kuns[bewirk | brontekst bewerken]

De annunciatie ies al ièwe e geleef ónderwerp in de kuns, veural in de renaissance. Zoawaal in sjilderieje, miniature, fresco's es in glaas-in-load. Dèks kriet ze gezelsjap van 'n aafbeelding van de Maria-Visitatie, die gevierd weurt op 31 mei. Me gedènk dan 't bezeuk van de zjwangere Maria aan häör ouwer niesje Elisabeth, die, óndanks häör ónvröchbaarheid en ouwerdóm, in verwachting ies van Johannes de Duiper.

Opvallend element in de oetbeelding van de annunciatie ies de wiette doef, symbool van de heilige Geis, die van bovenaaf riechting Maria vluug. Sóms dreug Maria 'n lelie es teike van häör maagdelikheid.

Commons
In de categorie Annunciation van Wikimedia Commons zeen media gerelateerd aan dit óngerwerp te vènje

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Annunciatie&oldid=350320"