Liturgie
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
 |
Tot daen tied kan d'n inhaud van 't artikel veurnaam informatie misse of nog neet good in zie verbandj ligke. |
Liturgie, van 't Griekse woord leitourgia, beteikent bie de Katholieke liturgische of godsdeenstige handelinge en werkzaamhede, die veur de gemeinsjap were oetgeveurd. De Griekse vertaling van 't Oud Testament verhaolt in diet verband van 'ne offerdeens in de tempel. In 't Nuuj Testament weurt 't woord gebruuk veur de offerdeens van de preester; de offerdeens van Christus, dae ziechzelf es de woare hoagepreester geofferd haet veur de zung van de luuj en dae nuuj de rechterhand ies van God de Vader. (Heb. 10:11).
Inhawd |
[bewirk] Liturgische vieringe
Liturgie wilt zègke de (heilige) deens mèt es miedelpunt de Heilige Mès of eucharistieviering. Ander vörm zint:
- 't koargebed
- de viering van de sacramente
- 't Lof, 'n godsdeenstige viering in de naomiedig, woabie de geconsacreerde hostie weurt oetgesjtald en aanbede. Dèks weurt hiebie de roazekrans gebaejd.
[bewirk] Ritueel
De volgorde van de (Liturgische) gebede, lezinge, praek en 't ritueel in de kèrk weurt ouch liturgie geneump.
[bewirk] Missaal
'ne Missaal ies 't liturgisch book, woa-in de tekste van 't vas gedeilte en de gewoon gebede sjtoon aafgedrök. Wiejer sjtoon d'r ouch de wieselende gebede in, gezange en lezinge veur alle daag in de volgorde van 't kèrkelik jaor. Ouch alle kèrkelike fièsdaag van de heilige sjtoon d´r in vermeld.
[bewirk] Liturgische kleier (paramente) en versering
De Liturgische kleier, die gedrage were bie de ièredeenste zint: amict, singel, maipel, albe, stola, kasuifel, dalmatiek, koarkap en superplie.
[bewirk] Liturgische kleure
Volges traditie en in euvereinsjtumming mèt 't soort viering were de liturgische kleier in bepaalde kleure gedrage en de attibute aangekleid of verseerd:
- Paars veur de adventstied en de tied veur Paosje
- Wiet op Wiete dónderdig, van Paosje tot Pinkstere en in de Kaersjtied tot en mèt Driekeuninge (6 januari) eventueel ouch op 't fiès van de Heilige Drie-einheid
- Road op Pinkstere en op de fièste van de martelaere
- Greun op de zóndige nao Driekeuninge en nao 't fiès van de Heilige Drie-einheid
- Roze op zóndig Gaudete en zóndig Laetare
- Zjwart op Goje Vriedig
