Fra Angelico

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Fra Angelico (Ingelechtige Broeder) of Beato Angelico (Zaolige Ingelechtige) (ca. 1395-1455) waor 'ne bekinde 15e-iewse sjèlder in Florence. Zie leve weurt besjreve in Le Vite (Limburgs: De Leves) vaan Giorgio Vasari. Tot zien bekindste werke behure de fresco's die heer maakde in 't San Marco-kloester in Florence. Heer woort zaoleg verklaord door paus Johannes Paulus II in 1984. Ziene fiesdaag vèlt op 18 februari.

't Lètste oordeel.

Biografie[bewirk | brontekst bewerken]

Fra Angelico woort gebore es Guido di Pietro in de umgeving vaan Florence, mesjiens in Fiesole. In 1404 trooj heer in bij de Dominicane. Heer verbleef es novies in Cortona. Es kloesterling kraog heer de naom Fra Giovanni da Fiesole. Van 1418 tot 1436 verbleef heer in Fiesole. In 1450 woort heer veur twie jaor prior vaan de Dominicane in Florence.

Dao is wieneg euver zien sjèlderscarrièr bekind, meh gelökkeg bezitte v'r nog zien fresco's en sjèlderije die heer maakde in Florence en Roeme. In 't San Marco-kloester maakde heer in edere cel e fresco. Dees fresco's vörme de groetste bewaord gebleve beeldcyclus vaan 'n middeliewse orde. Ouch maakde heer dao 't sjèlderij veur 't hoegaltaar.

Fra Angelico waor eine vaan de ierste dee de vernuiinge die d'n ierste Renaissancesjèlder, Masaccio, doorveurde, touwpasde. Heer huurt bij de twiede generatie vaan Renaissancesjèlders te Florence. Toch bleef zie werk nog 'ne middeliewse geis oetstraole.

Veur heer begós mèt sjèldere góng heer iers in gebed: heer waor devaan euvertuig tot heer heidoor oonder oonmiddellike inspiratie vaan God zien werke kós make. Volges zien biografie in Giorgio Vasari's Vite waor Fra Angelico 'ne bezoonder besjeie maan, dee gein persoenlike gruutsegheid haolde oet zien kuns, maar die allein zaog es 'n meneer um God te iere.

Sjèlderstijl[bewirk | brontekst bewerken]

De werke vaan Fra Angelico behure tot de Vreug Renaissance. Zien sjèlderije, zoewel op paneel es op fresco, zien sterk relizjeus vaan aard door hun oonderwèrp en de plaots boeveur ze bestump waore.

Musea[bewirk | brontekst bewerken]

Graf vaan Fra Angelico, Santa Maria sopra Minerva, Roeme.

De sjèlderije vaan Fra Angelico zien in versjèllende musea te zien, oonder andere in:

Sjèlderije[bewirk | brontekst bewerken]

Inkel sjèlderije zien:

  • Madonna en keend mèt veer ingele, circa 1425
  • Reliekkiske mèt Christus en ingele, 1425-1430
  • De H. Maog en Keend mèt de HH. Dominicus en Thomas vaan Aquino, 1424-1430
  • De Kroening vaan Maria, circa 1430-1432
  • De Annunciatie
  • Heilegeleve vaan Sint-Nicolaas vaan Bari
  • Madonna en Keend mèt de HH. Domincus en Catharina
  • Lèste Oerdeil

Externe link[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Fra_Angelico&oldid=349131"