Albanië

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Albanië

Vlag van Albanië

Waope van Albanië

Lokasie vaan Albanië

Basisgegaevens
Officieel taal Albanees
Hoofsjtad Tirana
Sjtaotsvörm Rippebliek
Sjtaotshoof Bamir Topi (sinds 2007)
Premier Sali Berisha (sinds 2005)
[[{{{titelhoofregering1}}}]] {{{naomhoofregering1}}}
[[{{{titelhoofregering2}}}]] {{{naomhoofregering2}}}
[[{{{titelhoofregering3}}}]] {{{naomhoofregering3}}}
Religie {{{religie}}}
Opperflaakde
– % water
28.748 km²
4,7%%
Inwoeners
Deechde:
3,6 miljoen
125/km²
Biekómmende gegaeves
Munteinheid Lek (ALL)
Tiedzaone UTC +2
Nationale fiesdaag 28 november
Vouksleed Hymni i Flamurit
Web | Code | Tel. .al | ALB | +355

Albanië (Shqip) is 'n Balkan-rippebliek. Hoofstad en groetste stad is Tirana; wijer zien Shkodër, Durrës, Elbasan en Vlora belangriek. 't Laand grèns aon Servië, Montenegro, Macedonië en Griekeland en ligk aon de Adriatische Zie.

Bestuurleke indeiling[bewirk | brontekst bewerken]

Albanië is in 12 prefecture en 36 rrethe (districte) opgedeild.

Taole[bewirk | brontekst bewerken]

Officieel taol is 't Albanees, dat alle otochtone spreke. Dao zien tamelek groete Griekse en Macedonische minderhede.

Historie[bewirk | brontekst bewerken]

Vaanaof oongeveer 900 veur Christus vestegde ziech de Illyriërs aon de Balkankös. Albanië is geneump nao eine vaan die stamme, de Albanoi. In de vijfde en veerde iew veur Christus vele ze mierder kere Macedonië binne, tot ze door Philippos II, vaajer vaan Alexander de Groete woorte verslaoge.

Vaanaof de Roemeins expansie huurde Albanië tot 't Roemeins Riek, later tot 't Byzantijns Riek. Wie 't Byzantijns Riek in verval kaom vereuverde ander volker 't laand, tot 't in 1478 oonder Osmaans beweend kaom, oondank fellen tegestand oonder aonveuring vaan Gjergj Kastrioti Skenderbeg, allewijl bekind es nationalen held vaan Albanië. Oonder 't Osmaans beweend woort Albanië euverwegend islamitisch, boete 't noordelek deil.

Nao d'n Ierste Balkanoorlog verklaorde Albanië ziech in 1912 tot oonaofhenkelek prinsdom, en in 1928 woort 't e keuninkriek, oonder keuning Zog. In 1938 woort 't land e vazalstaot vaan fascistisch Italië, boenao 't in d'n Twiede Wereldoorlog aon de kant vaan de Centrale mètvoch, tot in 1944 de communistische verzetsleismaan Enver Hoxha, gesupporteerd door de USSR de mach euvernaom.

't Beweend tot Hoxha tot zienen doed in 1985 zouw veure waor oetzoonderlek dogmatisch. De meiste moskeeë en kèrke woorte aofgebroke, de ander es museum of veur ander wereldlike doele eingeriech. Privébezit woort gaaroet verboje en hiel väöl lui woorte politiek gevange gezat. Heer aliëneerde ziech achterein vaan de toch communistische rezjiems Joegoslavië, de USSR en Sjina, zoetot Albanië 'nen heremietestaot woort. In 1985 woort Hoxha opgevolg door Ramiz Alia, dee oonder drök vaan de veranderinge in gans Europa d'n doej in eige land neet kós stoppe. Wie de tuiel dao in 1990 opgetrokke woort waor Albanië 't ermste land vaan Europa gewore.

In 1991 woorte verkezinge gehawwe, mer de bevölking besjöldegde de machhöbbers, die de absolute mierderheid hadde gehaold, vaan vervasling, zoetot die 't jaor daonao euvergedoon móste weure. Doe won de Democratische Partij de verkezinge. In 1996 leek de historie ziech te herhaole, wie die vaan manipulatie besjöldeg woorte. Obbenuits mós de regiering betersjap belaove, boenao in 1997, nao ernsteg relle en zelfs anarchie in de groete stei, verkezinge mèt internationaal waarnummers gehawwe woorte. Sinsdeen perbiert de regering 't land oprech te democratisere, veur lid te kinne weure vaan de NATO en oeteindelek de Europese Unie.


Lenj in Europa
Albanië | Andorra | Armenië2 | Azerbaidzjan1 | Belsj | Bosnië en Herzegovina | Bulgarieë | Cyprus2 | Daenemarke | Duutsjlandj | Esland | Finland | Frankriek | Griekelandj | Hongarieë | Ierland | Iesland | Italië | Kosovo (betwis) | Kroatië | Letland | Liechtenstein | Litouwe | Luxemburg | Macedonië | Malta | Moldavië | Monaco | Montenegro | Nederlandj | Noorwege | Oekraïne | Oesteriek | Pole | Portugal | Roemenië | Ruslandj1 | San Marino | Servië | Sjlovenië | Sjlowakieë | Sjpanje | Turkije1 | Tsjechië | Vaticaansjtad (Heilige Sjtool) | Vereineg Keuninkriek | Wit-Ruslandj | Zjwaede | Zjwitserland
Aafhenkelike gebejer: Akrotiri en Dhekelia2 | Faeröer | Gibraltar | Guernsey | Jan Mayen | Jersey | Eilandj Man | Sjpitsberge
1. Dit landj lik gedeiltelik in Azië. 2. Dit landj lik geografisch in Azië, meh weurt óm cultureel en historische raejes bie Europa ingedeild.
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Albanië&oldid=337727"