Zieëniveau

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Maetinge van 't absoluut zieëniveau euvere aafgeloupe 130 jaor laoten 'n geleielike stieging van van gans biejein zoeaget 20 cm.

't Zieëniveau is de gemiddeldje huuegdje van 't zieëspegel ('t vlak vanne zieë) es alle variaties die 't gevolg zeen vanne getieje waeren eweggemiddeldj. Twieë menere guuef 't veure huuegdje van 't zieëwater te maete: 't absoluut zieëniveau t'n opzich van 't middelpuntj vanne aerd en 't rilletief zieëniveau t'n opzich vanne zieëbaom.

't Zieëniveau is 't rizzeltaot van 't voluum aan vleujbaar water op aerd en vanne gemiddeldje temperatuur die de gemiddeldje dichheid van 't water beïnvleudj. Verangeringe in 't absoluut zieëniveau (zoeageheite eustatische verangeringe) zeen inne loup vanne geologische tiedsjaol en zelfs inne gesjreve gesjiechte veurgekómme. Es te väöl ies is opgeslagen inne poealkep enne gletsjers daaltj de zieëspegel, in glaciaal periode (iestieje) zelfs mit inkel tieëntaal aan maeters.

't Zieëniveau wuuertj es rifferensievlak gebroek veure huuegdje aan te duje van locaties op 't landj (wie lóchhaves en woeanplaatse) en van vleegtuger inne lóch.